Собранието го изгласа законот за отпис на камати и репрограмирање долгови и трошоци на физички лица, со што над 10 милиони евра долгови на граѓаните ќе бидат отпишани, соопшти Министерството за правда.

Со законот се бришат каматите на сите предмети што се дадени за извршување заклучно со 31.12.2017 година од страна на јавни и државни претпријатија или државни органи и установи.

Со законот се предвидува и репрограмирање на долгот, односно плаќањето на главниот долг да биде на рати. Колку е поголем долгот, толку ќе се зголемува рокот на отплата, односно ќе се исплаќа на повеќе рати.

„Во однос на репрограмирањето, со новото законско решение се предлага плаќањето на главниот долг и трошоците во постапките пред судот, нотарот и извршителот да се врши во месечни рати, во зависност од висината на долгот и трошоците.

Доверителите што се во државна или јавна сопственост, по сила на овој закон, се должни да направат целосeн отпис на каматите и репрограмирање на главниот долг и трошоците во рок од три месеци од денот на стапување во сила на овој закон“, појаснуваат од Министерството.

Доверителите што се во приватна сопственост, отписот на каматите, како и репрограмирањето на главниот долг и трошоците, го вршат на доброволна основа.

Законот, кој вчера беше изгласан, ќе стапи во сила осмиот ден од денот на објавување во „Службен весник на Република Северна Македонија“.

Бизнисот со мобилни најисплатлив во Казнено поправните институции во државата.

Мобилни телефони, посета на затворскиот лекар и заболекар, фрижидер се некои од услугите кои затворениците од КПД низ Македонија во некои истражувања од страна на новинарите и интернационални организации се нагласува дека можат да ги добијат во затворот по одредени цени.

Ситуацијата со коруцијата во минатото била многу полоша, оценуваат тие. Сега состојбата некако е повеќе ставена под контрола, но сепак во затворот може да се купат одредени работи, од кои некои затвореник не смее да ги поседува

Голем бизнис во затворот се мобилните телефони. Затвореник не смее да поседува мобилен, но повеќето имаат. Обичен телефон кој може да послужи исклучиво за телефонски разговор чини најмалку 130 , а цената може да достигне и до 200 евра.

Но мора да се каже дека сепак корупцијата не е на нивото на кое тоа се пласира во јавноста, затоа што такви изјави за корупција повечето се изговор од осудени лица кои не се задоволни од некои услови во затворот.

Одговорноста за условите во кои работи затворската полиција ја препишуваат на претходното раководство, а се надеваат дека доколку се одобрат новите вработувања ќе можат поефикансно да се посветат на обезбедувањето на осудените лица и спречувањето на корупцијата во затворот.

Link: https://kajgana.com/zatvorska-korupcija-mobilen-so-internet-za-600-bez-internet-do-200-evra