ИРУ

Претседателот на ИРУ Зоран Димов учесник на 17-та Европска платформа за вклучување на Ромите, организирана од DG JUST на Европската комисија

Во Брисел,денеска 1 октомври започна17-та Европска платформа за вклучување на Ромите, организирана од DG JUST на Европската комисија во соработка со Унгарското претседателство

На покана од Европската Комисија на овој настан присуствува ии Претседателот на ИРУ Зоран Димов.

Овој настан на високо ниво ги собра политичките носители на одлуки од ЕУ, на национално, регионално и локално ниво, органите за управување со фондови и претставници на ромското и проромското граѓанско општество.

Главна тема на состанокот е „Ромската еднаквост, вклученост и учество во планирањето и развојот на територијата“. Оваа клучна тема во поширокото поле на политиките за Ромите има за цел да ја подигне свеста за постојаните прашања и предизвици, да разговара за начините за справување со овие предизвици и да придонесе за поефикасно користење на фондовите на ЕУ за промовирање на еднаквоста, вклученоста и учеството на Ромите.

Истовремено на овој настан своје присуство имаше и министерот без ресор во македонската влада Шабан Салиу.

За време на настанот претседателот на ИРУ Димов имаше средби и разговори со високи европски преставници како што се Г-ѓа Ирена Моозова, заменик-генерален директор – меѓународна димензија на правосудните политики, владеење на правото и еднаквост, Генерален директорат за правда и потрошувачи, Европска комисија, Г-ѓа Мелиса Камара, пратеник во Европскиот парламент, Г-дин Атила Стојка, државен секретар за социјални можности и односи со Ромите, Унгарија, Г-ѓа Луси Фукова, владин комесар за прашања на ромското малцинство, Чешка, Г-ѓа Věra Jourova, потпретседател на Европската комисија за вредности и транспарентност и други.

Средба на претседателот на ИРУ Зоран Димов со Зам.министер за локална самоуправа Ерџан Селими

Денес во рамките на своите активности претседателот на ИРУ, Зоран Димов

оствари средба со заменик минситерот за локална самоуправа во Владата на Македонија Ерџан Селими.

За време на средбата Димов го инфоирмираше заменик министерот Селими за активности поврзани на повеќе теми од областа на образованието, култура и локалните политики во нашата држава.

На средбата меѓудругото Селими го поздравив и ангажманот на г-дин Зоран Димов за напорите и иницијативата на ИРУ за изучувањето на ромскиот јазик и култура во рамки Филолошкиот факултет “Блаже Конески” во Скопје, преку он лајн курсот, каде самите посетители ќе се стекнат со сертификат со почетно ниво А, потпишан и заверен од Филолошкиот факултет „Блаже Конески„ при УКИМ, Скопје.

Воедно Димов го информираше Селими дека верќе на 1 октомври ќе учествува на состанокот за Ромската платформа во рамки на ЕУ која ќе се одржи во Брисел. Тој ќе има и средби и состаноци со високи преставници од ЕУ и Европската Комисија .

In Memoriam: На 7 септември почина ромската активистка, иннтелектуалка и долгогодишен член на ИРУ, Ајтен Берлафа од Шведска.

Во недела на 7 септември 2024 година во Гетебпрг , Шведска на 66 годишна возраст по кратко боледување почина Ајтен Берлафа.

Ајтен Берлафа беше истакнат интелектуалец, ромолог, преведувач и активист во борба за женските права. Таа во периодот од 2016 до 2020 беше и Потпреседател на ИРУ. Таа му даде голем значај и на своето образование . Затоа таа беше Специјалист магистер за дислексија, ментор за интеграција на Универзитетот во Гетеборг, детска медицинска сестра на Универзитетот Борас, Kungahällagymnasium MY.

Таа ќе остане запаметена исто така како ведар и насмеан лик.

По тој повод ИРУ на 13 септември преку Он лајн ЗООМ видео ќе организира и комеморативна седница поповод смртта на Ајтен Берлафа.

ИРУ иницираше и успеа: Од месец октомври започнува online настава за Роми и не Роми од целиот свет за изучување на ромскиот јазик и култура институционално поддржано од Филолошкиот факултет „Блаже Конески„ од Скопје при УКИМ

Интернационалната Ромска Унија – ИРУ и нејзиниот претседател Зоран Димов со гордост ја информира јавноста дека во своите заложби и во рамки на активностите од областа на јазикот и културата ИРУ ги превзеде следните чекори.

Во рамки на претходниот потпишан Меморандум за соработка, ИРУ и Филолошкиот факултет „Блаже Конески„ при Универзитетот „Св Кирил и Матодиј„, Скопје, Р.Северна Македонија, ги информира сите заинтересирани млади Роми и не-Роми (средношколци и студенти) од Македонија и странство, од месец октомври 2024 година, започнуваат да спроведуваат онлајн настава по ромски јазик и култура.

Онлајн наставата предвидува изучување на основите на ромскиот јазик и култура на ниво А за период од октомври до декември 2024 година со вкупен фонд од 60 часа – два пати неделно по 2 часа.

Како предавачи односно професори во рамките на онлајн наставата ќе бидат: м-р Даниел Петровски од Северна Македонија од Институт за фолклор „Марко Цепенков“ од Скопје и д-р Суми Јусуке од The Babeș-Bolyai University од Република Романија.

Пријавувањето на сите заинтересираните студенти и млади Роми и не Роми е најдоцна до 25 Септември 2024 година,на : Оваа е-адреса е заштитена од спамботови. Треба да ви е овозможено JavaScript за да ја видите.

Збогатетего вашето универзитетско ниво од областа на Ромскиот јазик и култура и стекнете се со официјален Сертификат потпишан од страна на Филолошкиот факултет „Блаже Конески„ од Скопје при Универзитетот „Кирил и Методиј„ – Р.Северна Македонија