Едукација

На 3 октомври стартува он лајн курсот по ромски јазик и култура

Конечно, најавуваниот он лајн курс по ромски јазик и култура, започува со своја реализација. По иницијатива на претседателот на ИРУ, Зоран Димов, а во соработка со Филолошкиоот факултет „Блаже Конески„ при УКИМ од Скопје, Република Северна Македонија на 3 октомври 2024 година започнува со програматаљ и наставата за изучување на Ромски јазик и култура, почетно ниво преку он лајн. Предавачи се м-р Даниел Петровски и Суми Јусуке. Наставата ќе ја посетуваат 20 кандидати од 10 држави, Македонија, Србија, Црна Гора, Романија, Германија, Чешка, Словачка, Данска, Шведска и Финска.

На првиот академски он лајн час, свечено свое воведно обраќање ќе имаат и претседателот на ИРУ Зоран Димов, и Деканот на Филолошкиот факултет проф Владимир Мартиновски.

Он лајн наставата ќе трае 3 месеци со фонд од 60 часови , два пати седнуично по 2 часа. На крајот од он лајн курсоит, сите кандидати ќе се стекнат со Сертификати заверени од Филолошкиот факултет. Оваа практика ќе продолжи и понатамуу да се спроведува и за останатите заинтересирани кандидати без разлика на место на живеење..

Инаку он лајн курсот за овие 3 месеци чини 200 евра , а има можност за плаќање и на рати.

Објавен Конкурс за доделување на 1200 стипендии за средношколци ученици Роми во Република Северна Македонија за учебната 2024/2025 година

Министерството за образование и наука го објави Конкурсот за доделување 1.200 (илјада и двесте) стипендии во четири категории за ученици Роми запишани во прва, втора, трета и четврта година од јавните и приватните средни училишта во Македонија за учебната 2024/2025 година.

Во конкурсот е наведено дека во учебната 2024/2025 година се доделуваат вкупно 1.200 стипендии за средношколци Роми во четири категории, од кои:

1. Во првата категорија се доделуваат вкупно 340 стипендии за средношколци Роми за учебната 2024/2025 година во висина од 3.000 денари месечно по ученик, а кои постигнале успех од 4,50 до 5,00 во последната учебна година;

2. Во втората категорија се доделуваат 390 стипендии за средношколци Роми за учебната 2024/2025 година во висина од 2.300 денари месечно по ученик, а кои постигнале успех од 3,50 до 4,49 во последната учебна година;

3. Во третата категорија се доделуваат 250 стипендии за средношколци Роми за учебната 2024/2025 година во висина од 1.700 денари месечно по ученик, а кои постигнале успех од 3,00 до 3,49 во последната учебна година;

4. Во четири категорија се доделуваат 220 стипендии за средношколци Роми за учебната 2024/2025 година во висина од 1.200 денари месечно по ученик, а кои постигнале успех од 2,00 до 2,99 во последната учебна година.

Учениците што ги исполнуваат условите од Конкурсот пополнуваат електронска пријава и ја прикачуваат соодветната документација на e-uslugi.mon.gov.mk, од денот на објавување на конкурсот до 10.10.2024 година.

Link- Упатство за апликација

https://mon.gov.mk/content/?id=8787

Вештини за професионален развој и активизам стекнале млади Роми во акција во училиштето „Шаип Јусуф“

Вештини за професионален развој и активизам стекнале 120 млади Роми со поддршка на Активноста на УСАИД за млади кои активно создаваат можности и во соработка со образовниот центар „Генијалци“, преку организираната младинска акција во средното училиште „Шаип Јусуф“ во Скопје.

Во рамки на акцијата биле доделени сертификати на младите кои учествувале на сесии по англиски јазик, компјутерски науки и активизам.

Како што соопштија од Канцеларијата на УСАИД, на настанот присуствувала Марија Лонџи, координатор за развојна помош од Канцеларијата за координација за американска помош за Европа и Евроазија.

Програмата исто така вклучува учество на поранешни учесници, помагајќи им да стекнат основни јазични, дигиталнии практични вештини за подобри можности за вработување.

Директорот на средното училиште „Шаип Јусуф“, Доан Сулејманоски, истакнал дека е горд на нивните ученици „за нивниот ентузијазам, посветеност и иновативност“.

За време на настанот, матурантите од средното училиште „Шаип Јусуф“ имале можност да присуствуваат на индивидуални сесии за кариерно советување.

Овие иницијативи се организирани во рамки на Активноста на УСАИД за млади кои активно создаваат можности, имплементирана од американската непрофитна организација Унапредување на економиите за посилни заедници, во партнерство со Центарот за развој на менаџери и претприемачи (CEED Hub) Скопје и Младински образовен форум, и се овозможени со поддршката на американскиот народ преку Агенцијата за меѓународен развој на САД (УСАИД)

Се декларираат како роми за да се запишат на медицина! Лажно пријавување на етничка припадност во средни училишта

Ова го констатирал општинскиот инспекторат по увидот што го извршил во ова училиште, при што утврдил дека некои од учениците поднеле потпишана изјава до нотар дека се од ромска етничка припадност и со тоа автоматски имаат можност да го намалат бројот на квота за прием на ученици за 10%, искористувајќи го бројот резервиран за ромската заедница. -Овде имаше злоупотреба од страна на учениците кои се декларираат од ромска или македонска етничка припадност, бидејќи немаме бројка на Македонци за да ги исполниме сите паралелки и се обиделе да се запишат во средното медицинско училиште. На терен бил и општинскиот инспекторат за образование, каде констатирале дека овие дејствија ги направиле учениците со изјави или нивните родители и општинскиот инспекторат на сите оние ученици кои се обиделе или очекувале да бидат запишани и со помалку поени од тоа што го бараат критериумите во средното медицинско училиште, вели Назми Даути, сектор за образование во општина Тетово.

Во текот на денот се обидовме, но не успеавме да добиеме изјава од директорката на гимназијата Биназ Пајазити за ова прашање.

Од ромскот НВО велат дека Министерството за образование треба да преземе мерки, бидејќи оваа појава ја има и во Скопје, Битола и Прилеп.

-За жал, тоа не е случај само во Тетово, тоа се случува и во другите општини! Ова се случува и во Скопје, Битола и општина Прилеп, а се зборува за бројка од 100 до 150 лица кои лажно се декларираат како Роми практика која се случуваше и во претходните години, но оваа година има огромен број кои лажно се изјаснија и сакав да додадам нешто дека можеби самите училишта ги учат учениците на такво нешто, бидејќи ни се појави мрежа речиси низ сите училишта и се надеваме дека ќе се формираат комисии од надлежниот инспекторат за да се најдат сите кои лажно се пријавиле.

Liink: https://mk.tv21.tv/se-deklariraat-kako-romi-za-da-se-zapishat-na-meditsina-lazhno-prijavuvane-na-etnichka-pripadnost-vo-sredni-uchilishta/