НВО Сектор

Елвис Шакири е добитник на наградата Глобални шампиони во борбата против расизмот на Стејт Департмент на САД

Елвис Шакири, еден од основачите на Ромалитико, организација посветена на застапувањето на Ромите во Северна Македонија, е добитник на наградата Глобални шампиони во борбата против расизмот (Global Anti-Racism Champions, GARC) што ја доделува Стејт Департмент на САД. Шаќири, се вели во соопштението за наградата, одигра клучна улога во ставањето крај на бездржавјанството на Ромите и им помогна на многу Роми да се движат во сложените административни системи за пристап до социјалните услуги. Неговата доживотна посветеност на Ромите доведе до значителен законодавен напредок. Магистрирал по човекови права на Централноевропскиот универзитет.

Со наградата Глобални шампиони во борбата против расизмот на Стејт Департментот на САД, на Елвис Шаќири му се оддава чест и признание за неговите напори да ги унапреди правата на Ромите и да се бори против дискриминацијата против Ромите во Северна Македонија.

Основана во 2023 година, наградата Глобални шампиони против расизмот (GARC) им оддава почит на поединци од граѓанското општество на глобално ниво кои покажаа исклучителна храброст, сила, лидерство и посветеност за унапредување на човековите права на членовите на маргинализираните расни, етнички и домородните заедници, вклучително и луѓето од африканско потекло и борба против системскиот расизам, дискриминација и ксенофобија во нивните заедници. Наградените од GARC се извонредни лидери на граѓанското општество, кои беа номинирани од амбасадите и конзулатите на САД ширум светот.

Оваа година, покрај Еливи Шакири од Северна Македнија, наградата им е доделена и на Динтие Суле Тајиру, застапник за човекови права за заедницата Фулбе од Гана, Урмила Чаудари, активист за работнички права од Непал, Тања Дуарте, афро-мексиканска феминистка и антирасистичка активистка од Мексико, Томаса Јархуи Јакоме, домороден политички лидер и застапник за човекови права од Боливија и Џон Лирдам, активист и поранешен парламентарец од Холандија.

Link: https://www.facebook.com/romalitico/videos/8758407714215550

Поплави во Чешка 2024: Ромите обезбедуваат помош, комесарот Фукова ја координира помошта со водачите на заедницата, Ромодром воспостави кризна телефонска линија

Низ Република Чешка, ромската заедница активно се вклучи во напорите за помош за жртвите од катастрофалните поплави кои зафатија многу региони. Комесарот на чешката влада за прашања на ромските малцинства Луси Фукова ги координира напорите на регионалните ромски координатори со други организации, додека Агенцијата за социјална инклузија ја насочува својата поддршка за социјално исклучените општини. Организацијата Ромодром обезбедува кризна поддршка и хуманитарна помош во областите кои се најмногу погодени. Во областа Острава помага и организацијата Vzájemné soužití (Живот заедно). Локалните ромски заедници во Брно, Ханушовице, Крнов и Луже значително придонесуваат за евакуацијата и спасувачката работа. Фукова на серверот за вести Romea.cz ги опиша многуте чекори што ги презела за да организира ефективна испорака на помош. „За време на викендот испративме порака до регионалните ромски координатори, членовите на чешкиот владин совет за прашања на ромските малцинства, како и членовите на неговата работна група за безбедност“, рече Фукова, додавајќи дека ги повикала сите тие субјекти да се координираат со невладините организации. , без разлика дали се про-роми или предводени од Роми, со ромски лидери и со општински претставници. „Го повикав и директорот на Агенцијата за социјална инклузија, Мартин Шимачек, ефективно да ја координира помошта во социјално исклучените локалитети и региони“, рече Фукова.

Link: https://romea.cz/en/czech-republic/czech-floods-2024-roma-providing-aid-commissioner-fukova-coordinating-assistance-with-community-leaders-romodrom-sets-up-crisis-hotline

Презентиран е Протоколот за соработка помеѓу организациите во насока на заедничко и организирано застапување.

Вмрежувањето е клучно за одржливи и трајни промени во ромската заедница!

Повеќе од 15 претставници на граѓанските организации на втората стратешка средба за вмрежување на ромски и проромските организации споделија конкретни насоки за заедничка соработка и застапување на ромските прашања во процесот на пристапот кон ЕУ. Средбата се одржа на 9 јули во Ми Каса во Скопје.

Во таа насока подготвен е Протокол за соработка помеѓу организациите во насока на заедничко и организирано застапување.

„Ромскиот граѓански сектор за пристап кон ЕУ” е проект кој има за цел активно и значајно учество на ромските граѓански организации во донесувањето одлуки и структурираниот политички дијалог за инклузија на Ромите, со цел поефикасна имплементација на реформите за пристапување во ЕУ.

Имплементатори на проектот се Roma Democratic Development Association Sonce АДДР Сонце во партнерство со РАЖМ „Лулуди“ - Roma women and youth association "Luludi" РАЖМ „Лулуди“, РРЦ - Ромски Ресурсен Центар | RRC - Roma Resource Center РРЦ - Ромски Ресурсен Центар и Symplexis Symplexis (Грција), финансиран од Европската Унија преку Инструментот за претпристапна помош (ИПА III) на Европската Унија Програмата за поддршка за граѓанското општество и мрежи/платформи на медиуми за унапредување на секторските реформи и пристап на Република Северна Македонија во ЕУ (EuropeAid175431/DD/ACT/MK).

Соопштение до медиумите: Новоформираниот Форумот на немнозинските заедници најавува низа активнсти

Коалицијата на граѓански организации - Форумот на немнозинските заедници е чадор организација на дваесетина граѓански организации кои ги претставуваат немнозинските заедници во Македонија. Форумот се залага за правата и интересите на заедниците и го промовира нивното учество во општествените токови.

Коалицијата на граѓански организации - Форумот на немнозинските заедници иницира подготовка на Извештај во сенка за имплементацијата на Рамковната конвенција на Советот на Европа за заштита на правата на Националните малцинства во Македонија (РКНМ). Со отпочнувањето и преземените активности објавуви соопштение за медиумите во кој се вели:

Коалицијата на граѓански организации - Форум на немнозинските заедници објавува отпочнување на процесот на подготвување извештај во сенка за спроведувањето на Рамковната конвенција на Советот на Европа за заштита на националните малцинства (РКНМ) во Македонија. Со оваа иницијатива примарно ја нагласуваме нашата посветеност да обезбедиме остварување, заштита и унапредување на правата на малцинствата во земјата, како и развој на демократијата и владеењето на правото во општеството.

Коалицијата на граѓански организации - Форум на немнозинските заедници констатираше дека поднесувањето на Шестиот државен извештај на Македонија за спроведувањето на Рамковната конвенција на Советот на Европа за заштита на националните малцинства (РКНМ) е одложено. Првичниот рок за овој Извештај беше 1-ви февруари, а неговото отсуство го попречува критичкото оценување на напредокот и почитувањето на правата на малцинствата во државата.

Како дел од социо-економските констелации на оваа држава, Форумот сака да го забрза и поддржи процесот на поднесувањето на предметниот Извештај и во таа насока, ќе даде активен придонес во процесот на известување, како рамноправен партнер подготвен за дијалог и соработка со сите релевантни општестевени чинители.

Исто така, Форумот идентификуваше потреба од значително дополнување на тековниот процес на преговорите со Европската Унија. Поточно, на владиниот скрининг Извештај му недостасува сеопфатен Акциски план за партиципација и интеграција на немнозинските заедници во евро-интеграциските процеси и политики. Тој план за жал не е подготвен и покрај остварениот редовен дијалог и консултации помеѓу Форумот и Секретаријатот за европски прашања (СЕП).

Имено, Секретаријатот за европски прашања (СЕП) упатува на Министерството за надворешни работи (МНР), објаснувајќи дека политичката чувствителност на прашањата поврзани со малцинствата во Македонија налага изработката на Акцискиот план за немнозинските заедници да биде исклучиво раководена од посоченото Министерство.

За жал, ваквиот пристап резултираше со недостиг на консултации со граѓанските организации од немнозинските заедници, иако Патоказот за кластер 1 и одредниците од скрининг Извештајот беа одобрени од владите на ЕУ и од македонската влада.

Поради тоа, Коалицијата на граѓански организации - Форум на немнозинските заедници сака да ја насочи идната Владата дека во Македонија живеат 27 малцински заедници кои претставуваат 10% од населението на државата.

Во духот на конструктивен дијалог, Коалицијата на граѓански организации - Форум на немнозинските заедници потестува на заедничката демократска обврска и одговорност на надлежните институции за одржување редовни и јавни консултации со немнозинските заедници. Тоа е со цел да се осигура дека правата и интересите на немнозинските заедници се соодветно адресирани, особено во насока на исполнување на Копенхашките критериуми за пристапување на земјата кон Европската Унија. Замрзнувањето на овие консултации поради политизирани чувствителни прашања се смета за несоодветно и контрапродуктивно за нашите колективни цели и интереси, вклучително унапредувањето и промоцијата на мултиетничкиот карактер на нашата држава и демократија.

Ја охрабруваме идната Влада, како и сите останати одговорни политички чинители, да се забрза процесот на подготовка и поднесување на задоцнетиот државен Извештај за спроведувањето на Рамковната конвенција за заштита на националните малцинства. Дополнително, повикуваме на итно започнување на инклузивен дијалог со сите граѓански организации од немнозинските заедници во Македонија во врска со преговорите за членството во Европската Унија и Планот на Европската Унија за раст на Западен Балкан.

Ја користиме оваа прилика да испратиме порака дека Коалицијата на граѓански организации - Форумот на немнозинските заедници останува непоколеблив во својата посветеност кон заштита и промоција на правата на сите немнозински заедници во Македонија. Форумот ќе продолжи да работи и да се залага да се слушаат гласовите на немнозинските заедници и истите да се почитуваат во сите национални и меѓународни процеси и политики.

На крајот, Коалицијата на граѓански организации - Форумот на немнозинските заедници, со сите свои капацитети, ќе стои на распологање за иден рамноправен дијалог со институциите, како и меѓународните организации.