Култура

Во Токио,Јапонија промовиран ромскиот јазик, култура, традиција, потекло и историја преку документарецот на СП БТР „Небо, Точак, Земја„

Пред стотина заинтересирани јапонци на 11 август во Токио во

Athenée Français Cultural Center беше презентиран и прикажан документарнит филм за потеклото, историјата, традицијата и јазикот на Ромите кој е производ на СП БТР продукција. Настанот беше организиран од страна на ИРУ делегатот од Јапонија и ромскиот активист Суми Јусуке.

По тој повод пред прикаживање на филмот свој поздравен говор пред присутните, свое видео обраќање имаше продуцентот на тој филм и воедно претседател на ИРУ Зоран Димов.

По завршување на проекцијата Суми Јусуке имаше своја презентација и запознавање со дел од ромската култура , традиција , историја и јазик на присутните гости.

Општ впечаток беше дека присутните беа импресионирани од ромската култура и традиција која за многумина од нив беше и прво запознавање со Ромите.

Како што беше напоменато од страна на организаторот Јусуке, овој вид на презентација и во иднина ќе прерасне во традиција, и вакви настани поврзани со Ромите ќе се организираат во оваа далечна земја од далечниот Исток – Јапонија.

Цените не пораснале во период од 500 години. Германска населба каде киријата чини 0.88 евра годишно!

Цените на становите и куќите во метрополите низ светот и тоа како се зголемени, што поради пандемијата што поради кризата во која веќе е длабоко навлезен целиот свет.

Лудилото со цените на недвижностите се чувствува и во многу европски метрополи. Секој што барал стан во Берлин, Даблин, Париз и други големи градови знае колку е тешко.

Сепак, има и различни примери. Иако звучат како дел од рубриката „верувале или не“, тие се реалност. Станува збор за идиличната германска населба Фугереј, каде што цената за изнајмување стан не е променета од 16 век и изнесува 88 центи годишно.
Населбата од соништата се наоѓа во баварскиот град Аугсбург. Тој е и еден од најстарите градови во Германија, за што сведочи и неговото име: имено, бил основан по наредба на римскиот император Август како воен логор. Дури и тогаш овде живееле околу 10.000 луѓе, а подоцна станал еден од најголемите градови на Светото Римско Царство.

Link: https://www.fakulteti.mk/news/14112022/cenite-ne-porasnale-vo-period-od-500-godini-germanska-naselba-vo-koja-kirijata-chini-88-centi-godishno

Костадиновска-Стојчевска: Да се прави разлика меѓу Ром и циган, Ромите се народ впишан во Уставот

Како што информира Министерството за култура, Костадиновска-Стојчевска истакна дека Македонија иако по територија е мала држава, таа е дом на многубројни етнички заедници.

„Ромите се народ кој е признат и впишан во македонскиот Устав, имаат своја општина, свој градоначалник, своја локална самоуправа, единствена во Европа. Но, не значи дека предрасудите автоматски исчезнаа. Долготрајни беа напорите и на институциите, но уште повеќе на невладиниот сектор, најнапред да се направи разлика меѓу циган и Ром, да се разбере дека првиот збор има навредлива симболика, а дека вториот е точниот збор. Ром како народ“, рече министерката за култура.

Таа додаде дека високо ценејќи ја културата на Ромите и нејзината посебност како нивно нераскинливо идентитетско обележје, Министерството за култура, и покрај неколку слабости што ги акцентираше во Националниот акциски план за културата, е силен сојузник и поддржувач на реализацијата на Стратегијата за инклузија на Ромите 2022 – 2030.

Таа истакна дека културата не е семоќна, но е силна порака и затоа треба, како што рече, преку националните културни вредности да ја збогатиме колоритноста на идентитетската карта на Европа и со меѓусебно почитување да создадеме заеднички културен простор, удобен за сите

Се снима нов филм за Ромите и музиката „ Калафон„. Започната е краудфандинг кампања

Продукцијата ЕТМ, која работи на реализација на дебитантскиот краток филм на Вук Богдановиќ „Калафон“, дело што ја афирмира музичката креативност на Ромите, истовремено истакнувајќи ги проблемите со кои се соочуваат дискриминираните и маргинализираните групи на население, започна кампања за групно финансирање на платформата Индиегого.

Филмот е поддржан и од Националниот совет на ромското национално малцинство. Проектот на тој филм беше поддржан претходната година на конкурсот на Филмскиот центар на Србија, чија комисија во своето образложение истакна дека станува збор за особено квалитетен проект кој се издвојува поради познавањето на материјалот и милјето во кое филмот се одвива, и големата љубов на авторот кон главните актери.

Заплетот на филмот се заснова на традициите, обичаите и музиката на Ромите, воведувајќи не во овој фантастичен свет преку филмската поетика на авторот.

Ромската култура го инспирирала авторот да ги истражи проблемите со кои се соочува ова национално малцинство, суровиот живот на музичарите, кафанџиите, келнерките, забавите, злоупотребата на детскиот труд, магичниот круг на сиромаштија и необразование, нелегалниот пазар на труд, невидливоста во државниот систем...

Филмот ќе содржи изворна ромска музика, која ќе биде спасена од заборав и на овој начин ќе се претстави пред пошироката публика.

Освен тоа, ќе има и авторска музика која уште долго ќе го живее својот кафански живот.

Режисерот сака да ја прикаже својата визија за животните приказни на ромските музичари користејќи го автентичниот јазик на филмот и преку својата естетика да го посочи овој општествен феномен.

Покрај режијата, тој го напиша и сценариото за овој филм.

Според планираното, филмот „Калафон“ ќе се прикажува на сите релевантни домашни и странски фестивали за краток филм.

Link: https://www.danas.rs/kultura/pokrenuta-kraudfanding-kampanja-za-kratkometrazni-film-kalafon/

Youtube: