Kultura

UK: O Romano artisto Dilejn Le Bas nominirimo bašo baro phursako Tarner

O aver nominirime si o Pio Abad, Klodet Džonson thaj Džeslin Kaur. Sa o aktia so si nominirime ka oven prezentirime ko Tejt Britanija taro 25 septemvri 2024 dži ko 16 fevruari 2025 berš. Okova so resel o phursako taro Tarner si le 40 berša tradicia em ka ovle vakerdo ki ceremonia ko Tejt Britanija ko 3 dekemvri 2024 berš. „Hoš si kana kerel pe odokhare tikni lista taro artistoa thaj udžarav  te dikhav o performanso ko Tejt Britanija akana ko septembro“, vakergja o Aleks Farkuharson, direktori ko Tejt Britanija thaj president ko žiri e phursakoske Tarner.

„Sa o štar nominirime keren but buti. Ola sikavena sar o modern arti šaj te fascirinel amen, thaj buteder zoraleste te vakerel amaro identiteto thaj I lipar, prekal o majsuptilno detalia. Ko 40 berš taro phursako Tarner , akaja lista sikavela kaj o britansko artistikano talent si barvalo thaj energično sar sako drom” vakergja o Farkuharson.

Link: https://romea.cz/en/world/uk-romani-artist-delaine-le-bas-nominated-for-the-prestigious-turner-prize

O Ćarli Čaplin e dživdipaske

O Čarli Čaplin si jekh taro majkontraverzno thaj majbare persone ki era taro nemo filmi. Ov si bijame angleder 135 berša ko 16 April 1889 berš, a mulo ko 25 decembro 1977 berš

I kontraverznost thaj bajraripa sako drom sine than ko leskoro dživdipa sar phravde thaj privatno.

Akava si kotor taro leskere notacie so hulavela le e lumiaja:

  • Na sium but sabrlia bašo nesave šuže bukja so trubul te oven notirime te šaj haljova olen.
  • Na sium sigurno kaj o manuša džanen so mangena. Akaja notacia si kerdi tari kiri kariera. Gindinav kaj jekh taro dživdipaskere ironie te kere greška bukja ko čačutno momenti.
  • Ko agor, sa si jekh bari šala.
  • O asajbe si sar tonik, lokharipa, thaj chidiba I dukh.
  • O dživdipa si super, kana o manuša bi mukhen tut ko rahati.
  • O dživdipa si tragedia kana dikheja le taro paše, ama si em komedia kana dikhe le duraldan.
  • Khanči nane savakteske ki akaja lošno lumia – čak em o belje.
  • O dušmanluko e manušendar ka nakhel, o diktatoria ka meren em o zoralia so lele taro manuša ka iranel pe palal. Sa dži kote o manuša merena, o tromalipa nane te našavgjovel.

Starti taro masek Ramazan

Avdive sa e muslimanenge startujnela o masek Ramazan, kte so oo muslimania taro sasto sumnal ka pstinen ko diveseskere saatia trianda divesa. O Ramazani agorkerela Bajramea.O Ramazani si masek kote užarela pe ruhea, imanea, thaj sa  muslimania chidena pe taro hajbe, pijbe, em avera akale lumiakere čalipa, na kerena namoralno aktia thaj bezeha.

I resarin sit e ikljol pe taro Ramazani majšukare, majsasto, thaj bizo bezeha.  Avgo dive e postibaskje si ko Palokurko 11 mart , a o agorutno si ko 9 aprili.

Sak berš o Ramazani počminela 10 -12 diveasa majanglal soske ko islamsko kalendari si lunarno - hidžra kote o masekoa  si len 29 jali 30 divesa.

Sebepi o Ramazani pobuter islamsko lideria bičhavgje mesažoa dži koo džemahati kote nootirinen kaj  muslimani akale praktikaja sikavela o posti I knekcia e Alahoa primal o šukaripa, tromalipa, solidariteti, I reforme ki leskiri persona te ovel panda majlačhste,

I akterka – naturščiko i Ljubica Adžovič dikhel sine ko karte te šaj parvarel pire 9 čhaven. O dikhiba e Emir Kusturicea trampingja pe lake o dživdipa

I Ljubica Adžovič si akterka kote dikhlem ola ko filmi „Dom za vešanje“ thaj „Crna mačka beli maćor“,ki režija taro Emir Kusturica. O pendžarutno režiseri vakergja kaj oleske o keriba buti e Ljubica Adžovič sine leske “najinteresatnoo džanlipa ki oleskiri kariera” a buteder na džanena kaj oj sine naturščiko, naeducirimo aktero, thaj arakhlja la bašo filmi, sar dikhela sine ko karte.

Romani kote o Kusturica dikhlja late “lačho potencijali glumake”, khelgja I rolja sa Mami Kadija ko filmi “Dom za vešanje” . O Kusturica arakhlja e Ljubica khere ko tikkno than Zaograd ko pašipa taro Sutomore. Sine fascinirime taro olakoro naturno talenti em harizma em lansiringja la ko filmi a oj sine but bahtali odoleske.

 Olakoro talenti sine odokhare autentično so buteder dikhle la sar čačutnoo profesionalco. I Ljubica reslja phursak akale roljake ko Kansko festivali ko 1992 berš. Palo akava sukceso I Ljubica palem khelgja ko filmi taro Kusturica “Crna mačka, beli mačor” . Ko odova proekti oj anavkergja e akterka BrankaKatič , koleška kasaja kerel buti sar “čačutni unuka”. Trujal so palo akava sine lake dende but akharina te khelel ko aver filmia an I Germania, oj irangja savoren notiribaja kaj oj kerel buti salde e Kusturicaja. Trujal o baro sukcesi ko filmia I Ljubica Adžovič irangja pe ki piri anglutni profesia  - te dikhel ko karte ko Sutomore. Sine la enja čhave, ama nikana na reslja te džanel kobor si la unukia  em paraunukia. Kana ućlela soske dikhel palem ko karte oj vakergja – te parvarav e čhaven.

Bijame si ko Skopje , a dživdinel sine ko Bar. Anglal te merel lungo vakti bešel sine em ki  Francia thaj Švedska. Kana irangja pe ko Montenegro ko 2006 berš oj muli ko 82 berš phuripa. O Emir Kusturica sine paše amal e Ljubicaja em sikavgja hor mazunipa em bibaht  kana muli, “Oj sine talent so raritetno bijangjovela. Mangava sine te kerav buti e Ljubicaja. O bakđiši sine nabisterdo čalipa em džanlipa mange sar režiseri. But sium bibahtalo so muli” vakergja ove e Ljubicake.

Link: https://mondo.rs/Zabava/Film/a1881410/Ljubica-Adzovic-iz-filma-Dom-za-vesanje-biografija.html?fbclid=IwAR2XltXob_ipHG2xBBxuu0yX_Ws15OsLPmcv8It0sIiKt_to94-gthLID-c

Youtube:

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 177 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali