O Saban Bajramovic ki New Orleans paše o Louis Armstrong, o Ray Charles thaj o James Brown
"Katar o čorolo manuš dži ko thagar e romane muzikako" si o anav e ekspoziciako bašo muzika taro Šaban Bajramović, savi ka džal dopaš berš ko New Orleans Jazz Museum. Ando New Orleans Jazz Museum djal pe jek ekspozicia tari i muzika katar o Šaban Bajramović akhardo "Katar o čorolo dži ko thagar e romane muzikako". Oj ka ovrl šov čhona e šajipesa te lungarel pes, thaj si angluno performanso katar jekh muzikanto katar e Srbija ande kodi institucia.
O iniciatori e exibiciako si o Nashville International Jazz Festival.
O sikavipe si e Bajramovićeskere personalno artiklora, plate, kasete, CD albumura, plakatura, lila thaj magazine, sar vi lesko statueto, savo o Nishville del sar baro prizo e maj lache performancia vash o fuziripe e jazzeske e avere žanrencar.
E vizitora ka shaj te ashunen leske gilja prekal QR kode ko olengere telefonia, thaj ka shaj te dikhen vi o trailer taro filmo bašo Šaban režirimo taro Željko Mirković, savo ka ovel premiera ko 14 Juli ko Letnako Scena ani Tvrđava, o dive anglal o starto taro akava beršesko Nišvil.
Ov mulo ko 8. Juni 2008. berš, thaj olesko praxope ko Nis sine kotor taro odolesko prezidenti tari Srbija, Boris Tadić. Oficijalno biografikane data phenen kaj vov hramosarda thaj kerdas maj but katar 700 gilja, thaj skirisardas 20 albumura thaj karing 50 single.
Olesko performanso e giljake "Đelem, Đelem" sine alosardo sar himna savore Roma tari lumia.
Pe personalno akharipe e Indira Gandhi-esko, vov performisarda ki India, kote so oficijalno deklaringja sar o Kraljo taro Romani muzika
O magazino "Time" akharda les sar jekh kotar e deš majbare blues gilja ki lumia.
Ando Muzei ko New Orleans, o Saban Bajramović ka avel pasha peske idolura o Louis Armstrong, o Ray Charles thaj o James Brown.
Link: https://resetka.rs/saban-u-nju-orleansu-pored-luja-armstronga-reja-carlsa-i-dzejmsa-brauna/
