E hungariakiri giljavutni Monika Micura pendžardi telo anav sar Micu, angja adalateskoro akti mujal i Bionse, D`ej Zi thaj o producenti Timbaland zojrakeribaja kaj i gili "Drunk in Love" i Bionse lelja ritmia tari olakiri pendžarutni gili hiti taro 1995 berš anavea "Bajba, bajba pelem"

Sar so havljarel i "Entertiement Vikly", oj ko plo kriseskoro akti akcentirinel kaj i Bionse, o Dzej Zi thaj o Timbaland tari gili "Drunk in Love" lele o avgo 13 sekundia taro olakoro romano hiti. Oj notirinel kaj ni jekh drom na dengja la nisavo sertifikati te lel kotor tari olakiri gili.

I Bionse lelja i gili sebepi te vazdel i erotičnost thaj i seksualno intrenzivno lafjora - vakerel i Micu. I ungarsko romani čeren notirinel kaj i gili "Drunk in Love" i Bionse, moralno rumingja olakiri gili thaj o digitalno modifikacia e krleske.

I Micu rodela sar o krisi te anel decizia kaj i Bionse čorgja i gili, thaj udžarel o Kriso te na mukhel te del pe akaja gili an o eteri.