Muzika

„Heroi“ avgo muzikakoro video spot taro bend Right Turn tari muzičko škola Roma Rock School

Roma Rock School si naprofitno organizacia ofisea an o Skopje, fundirime ko maj 2017 berš tari rig e muzikakere entuzijasti o Alvin Salimovski . Fundavutni resarin e Roma Rock School te šaj kerel bilovengiri muzičko edukacia e terne Romenge thaj čhave taro ekonomsko thaj socijalno trujališa, thaj te kerel bari multietnikani tolerancia  thaj te tikjnarel pe I diskriminacia.

Ko pervazia akale aktivitetenge ko pervazia e Roma Rock School  funkcionirinel o bend „Right Turn“, koote sar membroora si: Djuli Kadri – vokal, Mursel Huseini – gitara, Delon Sejfulov – bas, Ruždi Ametovski / Sami Aleks Asan – klarineti, Sefo Murad – bubnjevia, Šerif Ilijaz – violina.

„Heroi“ taro „Right Turn“ si avgo oficijalno muzičko video kerdo ko pervazoa e proektoske „Music Connects“, proekti so si suportime tari Europakiri Komisia, a si ko pervazia e programake Kreativ Europa.

Youtube:

Marija Šerifovič dengja sasto barvalipa te šaj ovel surogat daj. Ake kobor pukjingja I srpsko čeren bašo bijanipa olakere čhaveske.

Ko mediumia sar bomba sine I informacia kaj jekh taro majpendžarde giljavutne I Marija Šerifovič uli daj. E čhave e Maria relja lake ko 2 decembro šrekal surogat daj tari USA , a ake kobor I Marija trubul sine te pukjinel akale saste proceseske.

Ki jekh amerikansko agencia bašo surogat daj akcentirinen kaj prosek love so del ape si paše taro 130.000 dži ko 160.000 dolaria, hramosarela o Blic.

„O internnacionalno surogat daj šaj te ovel em salde 50.000 dolaroia an I Purabali Europa jail South Amerika, numa arakhibe šukar agencia rodela angleder jekh kontrolno rodaripa em dromia a ko USA odova si hari majkuč” vakeren taro amerikansko agencie.

Prosek budžeti konektirinena: kliničko taksa, surogat kompenzacia, jurisdikciakere takse em agencisko takse. O avutne jeria ko jekh valjani te hulaven taro budžeti e kompenzaciake em bašo kletke em medikamentia bašo oplodibe, em transportno takse so nae konektirime ko sasto procesi dopherela I agencia.

 

Šaj li i pop kultura del suproto e Romenge?

O Vinsente Rodrigez Fernandez si romano aktivisti , scenaristi thaj kreattori taro ilustririme filmia em dikhela kaj baro numero romane reference ki amerikakiri pop kultura si jekh šukar drumo e ternenge te zainteresirinen e ko teme sar so si i romani historia. O Vinsente beršencar lobirinela te lačharel pe o romano identiteti em te ovel dikhlo konektiribaja em o strip heroia an i holivudsko adaptacia. Em čače percepirinen jekh globalno mašineria sar so si o Marvel filmsko univerzumui ko jekh momenti sikavel pe sxar super heroi so ka kerel romane lafi em i sasti lumia ka džanerl kaj ov si Rom, sar so si pendžardo kaj o Black Panter si tari Afrika Odolea nadžanav dali ka tiknjarel pe o čorolipa, jali buteer Roma ka khuven ki buti ko institucie numa džanav kaj ka ovel bari pozitivno percepcia, vakerel o Vinsent.

 

„An i lipar e Esmake...„ an o MKC ko kino „Frosina“ ki pherdi hala, rakj pherdi emocie, gilja thaj pozitivno vibracie

„I Esma sine amaro ambasadori, numa na akreditirime taro themakere innstituvcie thaj limitirime mandate, numa akreditirimi taro manuša vilea thaj nalimitirime mandatoa” vakergja o moderator Ramuš Muarem Cirko erati an o kino “Frosina” ko Skopje  kana startujngja o performanso “Ko lipar e Esmake , ma te ovel bisterdi”

O koncerti so organiziringja I Humanitarno asociacia I Thagarutni I Esma thaj Stevo Teodosievski “ thaj I SP BTR Produkcia sine sebepi 80 berša sar bijandili I Esma  sar thagarutni e romane giljake thaj muzikake, jekh taro majbare amare kulturakere lumiakere ambasadoria.

Jekh taro o giiljavutne ko koncerti sine em I Hajrija Bislim, so si la salde 13 berša, odola berša kana I Esma garavindo taro pe jeria počmingja te giljavel ko jekh natprevar “O mikrofoni si tumaro” em viktoriringja. Šuže vokalea em impresivno interpretacia I tikni Hajrija sine sar I Esma, ama e Esmake nane nikana niko kopija sar so vakergja o moderator. Giljavgja em olakoro papo  R.B.Ramko o pendžardo romano giljavutno em giljjavgja I gili tari Esma I “Svadba makedonska” em kergja euphoria ki publika.

„Amare dajake nane trampa, nanre kopija, oj si jekh.  But pobuter zaslužingja” vakergje but giljavutne.

Than lelja em I folk diva Suzana Gavazova kote vakergja kaj I Esma sine lake idoli a I Aneta Ljumakovska ko agor e koncerteske giljavgja I gili “Čekaj Živote”  Bašaven sine o orekstar “Titanik” a kotor taro Esmakoro repertoari giljavgje em o Bernat Demirali em o Ervin Ametovski.

Ki pli poema “I thagarutni ko Madćir Maalo” šukar ilustriringja ola I žurnalisti Valentina Pargo.

Ko agor e koncerteske  o organizatori Zoran Dimov angleder te akaharel sa e giljavutnen te giljaven I gili “Čhajorie šukarie” ov vakergja akava da:“ Oj sine romni bare ilea. Mukhlja ma te locirinav i televizija ko lakoro kher. Sako drom vakerel  sine„ma sekirin tut ka usepejne me sium akate ka pomožinav tut. But humanitarno kncertia kergja te pomožćinel čorole, bokhalen, nasvalen . Vakerel sine Vakerel sine  kaj o barvalo trubul te del e čoroleske, Me dikhav sine la sar mi dujto daj, vakergja o Dimov. Ko koncerti than lele i folklorno grupa taro ansambli „ Studio folklor Skopje“ uravde sar i Esma – I publika sine but čali em vakergja kaj asavke koncertia valjani te oven tradicionalno em ko pobare sale.

O koncerti pomžingje o Ministerstvo Kulturake em I diz Skopje, isto o PAKOMAK a snimingja I televizija Telma. O slike si taro fotoreporteri Mitko Janev

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 49 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali