На крајот на овој месец, резиденцијалниот хотел на улицата Риегрова во Оломоуц, Чешка ќе се затвори откако ќе биде дом на приближно 135 луѓе, повеќето Роми, од кои некои живеат таму со децении. Сопственикот на зградата планира да ја реконструира и да ја промени намената.

Градот вели дека соработува со непрофитни организации и други резиденцијални хотели за да им помогне да најдат сместување за иселените. Сепак, некои од оние кои сега треба да се преселат велат дека градот не прави доволно за да се грижи за ситуацијата.

Резиденцијалниот хотел во историскиот центар Оломуц долго време е извор на поплаки и проблеми. Локалните жители се пожалија дека неговите станари се бучни, влегуваат во ситни тепачки и фрлаат ѓубре во околните згради.

Според дел од станарите на резиденцијалниот хотел, сепак, градот не прави доволно за да се реши ситуацијата. „Тие сакаат да го затворат овде и да ги остават луѓето со деца на улица. Зошто градот не организира нешто за оние од нас кои живееме овде цел живот?“ праша Наташа Габорова, станарка која разговараше со јавниот радиодифузер Чешкото радио и која најверојатно ќе се пресели кај нејзиниот син во градот Брно, кој е оддалечен 80 километри во различен административен регион.

Link: https://romea.cz/en/czech-republic/olomouc-czech-republic-residential-hotel-in-city-center-closing-where-will-the-romani-tenants-go-next

Стереотипите и предрасудите за Ромите сè уште се живи во македонските медиуми. Еден од тие примери е и случајот со „бездомни Роми го запалија мостот кај Ист Гејт“.

Дел од македонските медиуми објавија „вест“ дека кај месноста Карпалак на автопатот Тетово-Скопје помеѓу десетте загинати бранители од Прилепско кои беа убиени во заседа во оружениот конфликт во 2001 година, се и Ердован Шабаноски и Веби Рушитоски. Меѓутоа, за разлика од загинатите Македонци кои животот херојски го дадоа за Македонија, двајцата Роми од Прилеп всушност животот го дадоа за да „купат коњи и да влечкаат дрва од планините“.

Нема автор(и) на оваа „срцепарателна“ – во основа – националистичка констатација, дека Ердован и Веби животот не го дадоа за државата, туку за да си купат коњи! Оваа „вест“ е објавена лани, но некои медиуми ја преобјавија и оваа година.

„Ердован, заедно со зета си Веби Рушитоски одлучиле да се пријават на мобилизацијата. Со парите сакале да купат коњи и да почнат да работат во шумското, да влечкаат огревно дрво по планината и така да си обезбедат егзистенција“, стои во објавата на повеќе македонски медиуми.

Стереотипите и предрасудите за Ромите сè уште се живи во македонските медиуми

На 16 мај, на сајтот на ТВ Телма е објавена вест со наслов: „Бездомни Роми го запалиле мостот кај Ист Гејт?“ и покрај тоа што во тој момент немаше официјален податок кој го предизвика пожарот.

Оваа вест е коригирана од ТВ Телма и ако денес се побара на нивниот сајт или на гугл пребарувачот ќе се најде вест со наслов: „Група бездомници го запалиле мостот кај Ист Гејт?“. Меѓутоа и покрај корекциите, сепак, пермалинкот остана со првичниот наслов.
Речиси по три месеци, истрагата е во тек и не е откриено од што се запали мостот „Беласица“.

Сè додека во медиумите постојат стереотипи и предрасуди дека Ромите „живеат под мост“, „крадат дрва“, „купуваат и малтретираат коњи“, ќе имаме говор на омраза.

Link: https://civilmedia.mk/natsionalistichki-narativi-namesto-kako-heroi-romite-na-karpalak-zaginaa-za-da-kupat-koni/