Меморијалот на Холокаустот на Ромите и Синтите во Чешка ќе биде отворен на 3 февруари 2024 година во Лета, Писк, на местото на поранешен концентрационен логор каде Ромите и Синтите биле затворени за време на Втората светска војна. По војната, во тоа место била сместена индустриска свињарска фарма.

На прес-конференцијата одржана на 24 ноември во Прага, за плановите за отворање и важноста на самиот споменик говореа претставници на Музејот на ромската култура во Чешка, кои по конференцијата симболично засадија дрвца.

- Денеска садиме дрвца кои ќе бидат дел од спомен обележјето. Оваа новозасадена шума ги симболизира погубените припадници на ромската заедница. Токму оваа шума симболично ќе ги претставува, а како што расте, веруваме дека соживотот меѓу мнозинската заедница и ромското малцинство ќе се подобрува. Тоа малцинство беше заборавено и геноцидот врз нив за време на Втората светска војна беше апсолутно отстранет од историјата на нашата земја - изјави Јана Хорватова, директорка на Музејот на ромската култура во Прага.

Ќе бидат засадени речиси 14.000 дрвја. По еден за секоја жртва. Мешаната шума ќе биде место за размислување и почестување на жртвите од концентрациониот логор за Роми и Синти.

- Исклучително е важно да се одбележи што се случи на ова место. Жртвите на кои се сеќаваме денес често се заборавени, а ова поглавје од нашето минато останува во некаква историска сенка - изјави претседателката на Претставничкиот дом, Маркета Пекарова Адамова.

Деветта Меѓународна конференција за жените и девојчињата Ромки и жените и девојчињата патувачи, која се одржа изминатава во Скопје, во организација на Советот на Европа и Владата на Македонија, се дискутираше за предизвиците, проблемите но и за решенијата. Целта беше да се види каков напредок е постигнат во интеграцијата на жените и девојчиња Ромки и Патувачи, да се споделат искуства и да се истакнат предизвиците на кои треба во иднина да се работи. 

„Наша обврска е да создадеме општество во кое граѓаните, независно на која етничка заедница и припаѓаат ќе се чувствуваат сигурно и ќе имаат еднакви можности и пристап до ресурси за личен развој и напредок. Општество кое интегрира, а не сегрегира, општество кое обединува, а не прави делби, односно општество кое вклучува, а не исклучува“, истакна министерката за труд и социјална политика, Јованка Тренчевска.

Напорите кои ги вложуваме во унапредувањето на статусот на жената Ромка во нашата земја, како што посочи Тренчевска, произлегуваат од Стратегијата и националните акциски планови за Ромите Македонија, како и од посебниот Акциски план за жената Ромка. 

Наша обврска е, дополни таа, е да преземаме мерки и активности за надминување на оваа состојба, за вклучување децата Роми во предучилишното образование, за вклучување на децата Роми во образованието, за нивно згрижување во дневни центри со цел да им се даде поддршка, но и на нивните родители.