Социјала

До кој степен одат матурантите и родителите: Колку се троши за една свечена вечер – матура

Матурите само што не започнале, а подготовките се во тек. Колку пари се потребни за една вечер?

Триста евра – за некои во просек доволно пари за одбележување на матурската вечер, а за други минимален буџет само за шминка и фустан.

Судејќи по размените на интернет форумите, просечната цена по човек за славење матура е 1.200 денари за хотелот и уште 1.000 денари за дискотеката по свеченоста.
Најважниот дел се чини е гардеробата. За матурант најевтиното одело е 3.000 денари во продавница на центарот на Скопје.

Кошула и кравата се купува за од 1.500 до 3.000 денари а во просек толку чинат и чевлите. Сè на сè за облека хотел и дискотека се двојат околу 9.000 денари за да се помине евтино. Од друга страна, толку чини едно „брендирано“ сако.

Со 4.000 денари за фустан, 2.000 за свечени обувки и 1.500 денари за фризура најевтино може да поминат матурантките. Се на сè за ученичка која завршува средно се потребни околу 10.000 денари. Толку пари се потребни за „посвечено“ шминка, фризура врз основа на козметички третман не земајќи ја предвид облеката и трошоците за хотел и дискотека.

Да не заборавиме на роднините – за најблиските да прослават во кафеана, просечниот трошок е од 6.000 до 20.000 денари за една вечер.

Но, што ги мотивира гордите родители да потрошат од една до две просечни месечни плати за една вечер, со цел да го одбележат успехот на дете кое завршило не вишо, не високо туку средно образование?

Колку пари му требаат на едно семејство во Македонија да ги задоволи основните потреби во месецот?

На едно четиричлено семејство во март му биле потребни минимум 32.852 денари за да ги задоволи основните потреби.

Според минималната кошница што ја изработува Сојузот на синдикати на Македонија, најмногу пари или 13.798 денари биле потребни за храна, додека за комунални трошоци и покуќнина требало да се одвојат минимум 10.414 денари.

За лична хигиена и за хигиена на домот на едно семејство му биле потребни минимум 2.324 денари, а за превоз 2.154 денари.

За облека и обувки биле потребни 2.154 денари, а за културни активности 1.070 денари.

За посетата на папата Франциск ќе биде прогласен неработен ден?

Ништо не смее да биде оставено на случајноста, зашто државата ќе ги преземе сите мерки за безбедност на највисоко ниво за посетата на папата Франциск на седми мај оваа година, поради што неофицијално се најавува дека Владата би можела да прогласи и неработен ден. Официјално, оттаму велат дека јавноста навреме ќе биде информирана.

Строгите ватикански протоколи наметнуваат организација како за посета на државници од највисок ранг со строги контроли на безбедност во Скопје. Сите здравствени институции ќе работат само за ургентни случаи, зашто според протоколот за посета на вакви личности, сите здравствени капацитети треба да бидат на располагање.

Полицијата и државните институции ќе имаат целосна контрола на движењето на сите луѓе во деловите каде што ќе се движи папата Франциск за време на неговата десетчасовна посета.
Од МВР велат дека ги преземаат сите потребни мерки за целосно и ефикасно обезбедување на овој историски настан за Македонија.

На мисата кај папата само со влезници. Главниот настан од посетата на папата Франциск на Македонија ќе биде мисата на градскиот плоштад. Сепак, не секој ќе може да дојде на овој настан. Целиот градски плоштад, со сите приоди кон него, ќе биде ограден со посебни пунктови за влегување. На мисата ќе можат да присуствуваат само оние кои претходно ќе обезбедат влезници, кои се бесплатни. Влезниците, практично, ќе значат евиденција на секој што ќе биде на плоштадот.

DW: Како навистина живеат Ромите во Европа?

Ромите се најбројното етничко малцинство на Стариот континент. Тие во Европа живеат над 7 века.

Денес во Европа живеат околу 12 милиони Роми и тие се најбројното етничко малцинство на Стариот континент. Половина од нив во земјите од Европската унија. Во Романија, Бугарија и во Унгарија живеат најмногу Роми, додека во Хрватска и во Полска ги има релативно малку.

Во прашање се само проценки, бидејќи многу Роми го премолчуваат своето вистинско потекло поради страв од дискриминација. Во Србија, например само 108.193 од вкупно 600.000 Роми така и се изјаснуваат. Во Македонија пак, процентките велат дека живеат 197 илјади Роми, додека на последниот попис како припадници на оваа етничка заедница се изјасниле 53 879 луѓе.

Ромите во земјите од средна и од југоисточна Европа главно живеат во сиромаштија. Шансите за работа им се минимални, речиси никакви, а често се изложени на дискриминација и на физички напади.

Link: https://www.dw.com/mk/%D0%BA%D0%B0%D0%BA%D0%BE-48221126?