Социјала

Ромскиот феминизам

Ромскиот феминизам е феминистичко движење кое ја промовира родовата еднаквост, борбата против социјалните нееднаквости и одбраната на интеграцијата на жените во различни движења во општеството, правејќи ги овие процеси компатибилни со зачувувањето на културата и вредностите на ромскиот народ.

Низ историјата, ромската етничка група била презирана и прогонувана од различни општества поради нивните особености. Сепак, таа е една од најголемите малцинства во светот. Многу групи сè уште зачувуваат карактеристична култура, со свој јазик, традиции или обичаи, каде семејството и солидарноста меѓу нејзините членови е од најголемо значење.

Ромскиот феминизам се карактеризира со борбата за надминување на предрасудите и дистинкцијата и кон ромското општество и кон жените, покрај голема стигма поврзана со сиромаштијата.

Почетокот на ромското феминистичко движење во Шпанија, започнало во 1990 година, кога се појавила првата ромска феминистичка женска асоцијација во Гранада, „Asociación de Mujeres Gitanas ROMI“. Оттогаш, многу други колективи биле создадени низ целата земја.

„Вторник само за Роми“ – Базен во Шуто Оризари со натпис дискриминирал врз основа на етничка припадност и боја на кожа

Ресторан со рекреативен базен во Општина Шуто Оризари на својата огласна табла имал натпис „Вторник само за Роми“ не дозволувајќи им да се рекреираат во останатите денови од неделата на жителите од ромската заедница со што директно ги дискриминирал врз основа на етничката припадност и бојата на кожата, јазикот и расата.

Ова го утврди Комисијата за спречување и заштита од дискриминација по претставката поднесена за случајот од минатото лето кога млади Роми не биле примени да се рекреираат во базенот на ресторанот.

Во претставката до Комисијата се вели дека во комплексот влегувале сите граѓани, освен Ромите за кои и усмено и писмено било нагласено дека се пожелни само во вторник.

„Комисијата при анализата во предвид го зеде натписот кој бил огласен на табелата во базенот „Вторник само за Роми“. И покрај тоа што во одговорот се негираат сите наводи во претставката, Комисијата смета дека самото објавување на објава со таква содржина се веројатни докази од кои може да се утврди дека од страна на базенот е направена директна дискриминација врз лица од ромска националност поради нивната етничка припадност и боја на кожа на начин што не им е дозволено користење на објект кој преставува јавен објект и до кој имаат пристап сите граѓани“, објаснија од КСЗД.

Комисијата им препорача на вработените и на сопственикот на ресторанот да не го повторат ваквото однесување кон било која етничка заедница и да не постапуваат со предрасуди кон лицата од ромска националност.

Link: https://a1on.mk/macedonia/vtornik-samo-za-romi-bazen-vo-shuto-orizari-so-natpis-diskriminiral-vrz-osnova-na-etnichka-pripadnost-i-boja-na-kozha/

Ромите во Словачка и Словенија: Правдата на маргините

Уште од рана возраст, Ромите во Словенија и Словачка се соочуваат со широко распространета дискриминација во различни области од нивниот живот, вклучително домување, образование, вработување, здравствена заштита и полициско работење, поттикнати од постојаните негативни ставови кај мнозинското население кон Ромите. Жените Ромки често се соочуваат со повеќекратна и меѓусекторска дискриминација врз основа на нивната етничка припадност и пол во двете земји. Пандемијата „Ковид-19“ ги засили и тековните недостатоци во заштитата на правата на Ромите.

Штотуку е објавен нов извештај, кој дава преглед на тековниот опсег на дискриминација врз Ромите, особено жените, нивното доживеано искуство и пристапот до правдата во Словачка и Словенија. Врз основа на комбинација од биро истражување и емпириско истражување, имено серија полуструктурирани интервјуа спроведени со различни засегнати страни во двете земји, исто така вклучува серија препораки за постигнување поголема вклученост и еднаквост во согласност со наведената посветеност на двете земји да заштита на нивната ромска популација

Link: https://minorityrights.org/publications/press-equality/?utm_source=Minority+Rights+Group+newsletters&utm_campaign=5524ece945-

Селими до Арсовска: Граѓаните од Топаана бараат да се реконструира заборавена улица, а ФК Напредок – 65, Шутка од Шуто Оризари да имаат терен за одржување на натпревари

Неодамна на дневен ред во Советот на Град Скопје беше преложен амандманот во предлогот за изменување и дополнување на Буџетот за Град Скопје за 2022 година да се предвидат средства во висина од 10 милиони денари (150.000 евра)во категорија програма за изградба и реконструкција на локални патишта, категорија 4 8 2 други градежни објекти за нова стапка за меѓуопштинска соработка за реконструкција и санација на улица Максут Садик во општина Чаир. Но истиот тој амандман градоначалничката на Град Скопје, Данела Арсовска го одби со аргумент дека од ставката за зеленило е неприфатливо да се крати.

Советникот Ерџан Селими од советничката група на ВМРО-ДПМНЕ и коалицијата појасни:

„Би сакал да дадам еден краток осврт и образложение за што поточно се работи, потребата од поднесување на еден ваков амандман произлегува од лошата состојба во која се наоѓа оваа улица, поточно Максут Садик. Се работи значи за една заборавена уличка, многу френкветна, илјадници возила поминуваат низ таа улица, а истата се наоѓа во централното градско подрачје на градот Скопје и го поврзува општините Центар со Чаир и обратно“, Селими додаде дека реконструкција на улицата е по барање на жителите. Со реконструкција на оваа улица истовремено ќе се олесни и ќе се растерети сообраќајот.

Амандманот во предлогот за изменување и дополнување на Буџетот на Град Скопје за 2022 година да се предвидат средства во висина од 3 милиони денари (50.000 евра)во програмата за спорт и рекреација – капитални трошоци, категорија 4 8 2 други градежни објекти за реализација на проект за реконструкција на фудбалскиот терен на ФК Напредок – 65, Шутка.

Овој амандман од страна на кабинетот на градоначалничката не беше прифатен. „Теренот е во една екстремно лоша состојба, и истиот не е во можност да се користи за тренинг и одигрување на официјални фудбалски натпревари. Сега замислете при население од 40.000 жители, Шуто Оризари нема свое игралиште каде клубот ќе ги игра официјалните натпревари. При тој факт од страна на управата на клубот тие се приморани да бараат терен надвор од општината за истите натпревари да ги одиграат и при тоа не секогаш наидуваат на поддршка и помош“, појасни советникот Селими.

Тој посочи дека пред точно една недела клубот ФК Напредок – 65 Шутка требаше да одигра официјален натпревар иако се беше начелно договорено надвор од матичната општина да се одигра натпревар на друг терен, таму се појавија одредени луѓе кои што не дозволија натпреварот да се одржи.

„Навистина е жално што овие деца уште од млади години на своја кожа ја чувствуваат таа голема обесправеност и разочараност“, нагласи советникот.