Социјала

Аваја донираше возило за брза помош во амбулантата во Шуто Оризари

Оваа донација е дел од низа на иницијативи во здравството, првата иницијатива беше поддршка за отворање на гинеколошката амбуланта во Шуто Оризари со поддршка дадена за ангажирање на медицинска сестра во амбулантата за период од 6 месеци, која се реализираше во текот на месец октомври.

Втората иницијатива, е оваа донација на амбулантно возило која се донира на Поликлиника Чаир за потребите на граѓаните Роми од Шуто Оризари, Чаир и Бутел, како и на сите граѓани кои живеат во овие населби. Во рамки на оваа донација е и донацијата - поддршка за ангажирање на две медицински сестри Ромки кои ќе бидат ангажирани во некои од одделенијата на ЈЗУ Здравствен дом Скопје - Скопје. Оваа донација е иницирана во 2021 година со потпишувањето на трипартитниот меморандум помеѓу Владата, Поликлиника Чаир и Аваја.

Според Елвис Шаќири, вработувањето на двете медицински сестри се очекува да биде реализирано во јануари 2023 година, а со тоа ќе биде заокружена целата поддршка што Аваја ја дава за подобрување на здравството и пристапот кон здравствени услуги на Ромите од Шуто Оризари. Со потпишувањето на меморандумот и договорот за донација Владата и Поликлиниката Чаир се обврзуваат после 2 години да ги превземат медицинските сестри во редовниот систем на вработувања.

Јетон Шаќири: Континуирано се унапредува образованието на младите Роми

– Работиме да создадеме образовни установи кои ќе ги вклучат и прифатат сите деца, од сите етнички заедници, со различни образовни потреби, а кадарот ќе биде добро спремен и доволно мотивиран за да ги научи младите како да бидат ориентирани кон успех, без разлика дали ќе се одлучат да започнат сопствен бизнис или пак ќе се вклучат во работата на некоја постојна организација, компанија, институција, ова го истакна министерот за образование и наука Јетон Шаќири во своето обраќање на вториот REDI (Roma Enterpreneurship Development Initiative) самит, кој е иницијатива на три непрофитни организации од Северна Македонија, Романија и Србија, кои се залагаат за економска стабилност и финансиска инклузија на Ромите во општествата

Тој додаде дека Ромите добиваат се повеќе права и образовни можности и од нив се очекува успешно да се интегрираат во општеството и да бидат дел од генерациите кои ќе донесат подобра иднина за оваа држава.

Ромскиот кикбоксер Вацлав Сивак повторно победи во Прага

Вацлав Сивак ја постигна 21-та победа во својата професионална кариера во неделата кога победи на традиционалниот турнир за боречки вештини „Хероес Гејт“ во UNYP Арената во Прага. Последователно ги изгуби нервите. Името на ривалот за преземање на Сивак се менуваше повеќе пати и не беше јасно со кого ќе се бори до последен момент. На крајот, тој се бореше според правилата на К-1 против Владимир Ленгал, 10 години постар од него, на турнир организиран од искусната организација Октагон.

Во 2019 година, Сивак стана светски шампион на Светската асоцијација на кик-бокс организации (WAKO) и останува аматерски број еден во глобалниот кик бокс. На крајот на 2020 година ја освои титулата национален шампион на Чешка во класичен бокс. Во ноември 2021 година, Сивак го освои многу ценетиот меѓународен појас и стана светски шампион WAKO Pro во категоријата тежина од 65 килограми. и под кога го победи Фуад Џебари на поени во Либерец, Чешка.

Link: https://romea.cz/en/czech-republic/romani-kickboxer-wins-in-prague-again-but-loses-his-temper

Битиќи: Градиме солидарно едно општество за сите и ќе овозможиме целосна социјална инклузија на Ромите

Водејќи се од заложбите кои произлегуваат од Познан декларацијата за земјите од Западен Балкан за интеграција на Роми во рамките на Берлинскиот процес на проширување на ЕУ, Македонија оваа година подготви и усвои нова Стратегија за инклузија на Ромите 2022 – 2030 по насоките дадени во Стратешката рамка на ЕУ за Ромите, рече заменик-претседателот на Владата задолжен за економски прашања, координација на економските сектори и инвестиции, Фатмир Битиќи.

Покрај ова, во програмата на Владата 2020 – 2024 инкорпорирани се различни мерки за поддршка и инклузија на Ромите, како активни мерки за вработување, унапредување на законската регулатива и формализирање на работата. Инвестирањето во развојот на ромската заедница има долгорочни придобивки, во поглед на подобрувањето на социјалната кохезија и економскиот статус за Ромите на долгорочен план.

Тој додаде дека Владата е определена да гради инклузивно општество и ќе овозможи целосна социјална инклузија и на граѓаните Роми во Македонија.

„Ние сме решени на тоа. Клучно е дека постои политичка волја за вистинска имплементација на Стратегијата за Ромите во Република Северна Македонија и за следење на сите европски препораки кои се однесуваат на инклузија на Ромите во општествата. Владините антикризни мерки кои беа одговор на кризите беа наменети за заштита на најранливите категории граѓани. Од почетокот на енергетската и економска криза, Владата даде енергичен одговор, со цел никој да не остане изоставен.

Во рамки на мерките за поддршка на компаниите, пак, се предвидува проширување на опсегот на компании кои се корисници на гарантната шема од Гарантниот фонд на Развојната банка, преку олеснување на критериумите за аплицирање.

Во 2021 година преку Развојната банка беа подржани 17 ромски бизниси. Истовремено, продолжува можноста за формализација на дејноста преку самовработување со грантови каде што се зголемува бројот на Роми коишто формираат и регистрираат свои сопствени бизниси во рамките на Оперативниот план за активни мерки и досега околу 70 лица ја искористиле оваа можност“, рече Битиќи.