Социјала

Стипендии за 315 ученици Роми запишани во прво одделение

Вкупно 315 ученици Роми запишани во прво одделение во учебната 2019/20 година ќе бидат стипендирани во рамки на проектот „Редовно на часови: акција за вклучување на Ромите во основното образование“.

Конкурсот е финансиран од Европската унија, а го спроведуваат Фондацијата Отворено општество – Македонија во соработка со здружението Центар за образовна поддршка Дендо вас и фондацијата за образовни и културни иницијативи Чекор по чекор. Целта е да се обезбедат стипендии за вклучување на што поголем број деца Роми во основното образование кои редовно ќе посетуваат настава.

Конкурсот се однесува за период од една учебна година, а стипендијата од 400 евра годишно е наменета за покривање на трошоците за школување, храна, облека, училишен прибор и материјали, спортска и друга опрема за учениците.

Ќе можат да се пријават ученици Роми запишани во прво одделение во учебната 2019/2020 година, чии семејства се приматели на гарантирана минимална помош, но кои не се корисници на друга стипендија обезбедена со финансиски средства од Европската Унија. Притоа, семејствата нема да го изгубат правото на гарантирана минимална помош.
Редовните ученици, како и оние кои успешно ќе поминат во следното одделение, ќе можат да ја задржат стипендијата за тековната година и потенцијално да ја обноват за следните две учебни години.

Крајниот рок за пријавување е 10 декември, а повеќе информации за конкурсот може да се најдат на веб-страницата на Фондација Отворено општество – Македонија, потоа во просториите на Фондацијата Отворено општество, телефонски на бројот 02/2477107 или преку електронска пошта Оваа е-адреса е заштитена од спамботови. Треба да ви е овозможено JavaScript за да ја видите..

Чешкиот симпатизер на ултранационалистичка партија доби условна казна за носење нацистички симболи на демонстрации

Симпатизер на движењето „Слобода и директна демократија-Томио Окамура“ (СПД) во Чешка му е одредена затворска казна од шест месеци, условно на две години, од Окружниот суд во Прага 1 во изразување сочувство за движење насочено кон сузбивање на граѓанските и човековите права. Во април годинава, жената носеше повеќе приврзоци на нацистичката свастика на демонстрациите повикани од СПД.

Павла Хајковиќ, портпарол на Окружниот суд за Прага 1, ја информираше Чешката телевизија за вестите на 16 ноември кога и пресудата стапи на сила.

„Беше решено на следниов начин: затворска казна од шест месеци, условена на две години“, рече Хајковиќ за Чешката телевизија, додавајќи дека одлуката на судот веќе стапила на сила. Обвинетиот не се жалел.

Камерите со видео надзор ја снимија жената како носи ланци со нацистичките свастики на демонстрациите. Тие, исто така, го фатија 43-годишниот Радек Мансфелд со нацистичкиот поздрав - тој веќе доби условна казна од шест месеци затвор и ја плати казната од 30 000 чешки круни или околу 1 177 евра.

Link: http://www.romea.cz/en/news/czech/czech-fan-of-ultra-nationalist-party-gets-suspended-sentence-for-wearing-nazi-symbols-to-demonstration

Папата со критика до политичарите кои шират омараза кон хомосексуалците, Ромите и Евреите

Папата Фрањо рече дека политичарите кои шират омараза кон хомосексуалците, Ромите и Евреите го потсетуваат на Хитлер.

"Не е случајност дека повторно се појавуваат симболите кои се типични на нацизмот„ рече папата во своето обраќање на меѓународната конференција за казнено право.

Тој рече дека говорот на некои одговорни лица или пак од Владата , го потсетуваат на говорите на Хитлер од 1934 и 1936 година , пренесува Ројтерс.

"Прогоните кон Евреите, Ромите и хомосексуалците , денеска се типични и се пар екселанс во културата на отфрлање и омраза. Тоа се правеше во тоа време, и денес повотрно се случува„ рече папата.

Инаку Папата Фрањо не именуваше политичари ниту држави на кои се однесува оваа критика.

Link: https://www.blic.rs/vesti/svet/papa-kritikovao-politicare-koji-sire-mrznju-protiv-homoseksualaca-roma-i-jevreja/tz8phmq

Жителите на Визбегово протестираат, Хелсиншки и МТПС обвинуваат за дискриминација

Визбеговци не ги сакаат децата од поранешен „Ранка Милановиќ“ во своја близина
Оваа куќа во моментов е дом на три деца доскорешни штитеници на домот Ранка Милановиќ, сега на мал групен дом. Од неодамна се префрлени тука оти социјала одлучи дека ваквиот начин на згрижување ќе биде поефикасен во нивното воспитување.

Трите деца од поранешна „Ранка Миловановиќ“ сместени во малиот групен дом во Визбегово имаат 24 часовен надзор од стручни лица. Тука за првпат добиваат топол дом и грижа кои досега има недостасувале во животот. Неколку недели пред да се преселат децата во куќата во Визбегово се известени сите блиски соседи коишто се најдени во своите домови.

Но од друга страна жителите обвинија дека и вработени во центарот преку социјлани мрежи ги навредувале за тоа што не се согласуваат децата со проблематично воспитување да им се во близина.

Хелсиншки комитет реагира и апелира до жителите на Визбегово да покажат емпатија, разбирање и прифаќање за децата кои се селат во нивната околина, во дом кој не е институција и кој наликува на семејна средина, а што е суштински предуслов за нивна социјализација и напредок.