Социјала

Хелсиншки Комитет :Корупцијата останува еден од најсериозните проблеми - неопходна е вклученост од сите за да се случи позитивна промена

На Меѓународниот ден на борбата против корупција, 9 Декември, констатираме дека корупцијата и одлучувањето при постоењето на судир на интереси претставуваат феномени кои во значителна мера остануваат неказнети, а перцепцијата на граѓаните е дека борбата против корупцијата не дава задоволителни резултати.

Уште повеќе, Република Северна Македонија континуирано бележи значителен пад на ранг листата на индексот за перцепција на корупцијата - сериозен криминал што го поткопува социјалниот и економскиот развој.

Хелсиншкиот комитет за човекови права се вклучува во борбата против корупцијата преку мониторинг на судските процеси за предмети во областа на организираниот криминал и корупцијата; давање на соодветна правна помош на жртвите на коруптивни дејствија; застапување во насока на поголема одговорност и транспарентност на сите институции; настојување да се влијае кон спречување и ставање крај на неказнивоста и да се овозможи кривична одговорност за сите оние кои преку нивните коруптивни дејствија ги загрозуваат индивидуалните слободи и права и влијаат врз нарушување на системот на владеење на правото во државата.

Колку вистински Владата е определена да гради инклузивно општество и се стреми кон целосна социјална инклузија и на граѓаните Роми?

Формално и декларативно е дека постои политичка волја и поддршка кај оваа Влада за вистинска имплементација на стратешките документи за подобрување на состојбата на Ромите, како и за следење на сите европски препораки, меѓу кои и почитување на Европската платформа за инклузија на Ромите којашто се однесува на инклузија на Ромите.

Но дали во практика е така? Во 2018 година, застапеноста на вработени Роми во државна администрација и јавната администрација е 1,3 проценти или вкупно се вработени 1.800 Роми.

Во однос на дистрибуцијата на работни места 1,4 отсто се нераководни работни места, 0,2 проценти на раководни работни места, и 0,6 отсто се избрани или именувани лица.

Како причина за ваквата лоша процентуална застапеност мора да се потенцира т.н. Балансер за правична застапеност, која искрено се покажа како лоша алатка за помалите етнички заедници.

Во врска со комуналната инфраструктура Владата си го препишува успехот дека Буџетот за 2020 година е двојно зголемен и изнесува 40 милиони денари (околу 650.000 евра).

Колку е тоа доволно за решавање на горливите инфраструктурни проблеми кај ромската заедница ќе покаже времето.

Следна дестинација на „Небо, Точак, Земја„ е Скандинавија

Екипата на СП БТР Продукција ја продолжува својата филмска авантура. После Србија, Романија, Бугарија, Франција, Шпанија, Русија на ред е и Скандинавија.
Филмски документ кој ја обработува Ромската историја во која се содржани Потеклото, Миграцијата, Културата, Традицијата, Јазикот како и страдањата на Ромите и нивните прадедовци.
Викендов екипата на СП БТР Продукција е во Скандинавија каде со истакнати историчари и познавачи на Ромската култура, традиција ќе ги илустрираат своите факти за ромската историја.
Тоа подразбира нови моменти и вистини за Ромите низ историјата. Обработка на интервјуа и интересни искажувања ќе ги опфатат Ромите од Данска, Шведска, Норвешка и Финска.
Со тоа и самите гледачи ќе се запознаат повеќе за историјата на Ромите од овој дел на Европа.
Во интервјуата ќе бидат вклучени познати и признати ромски познавачи на дадените теми. Ќе се осврнат на минатото , но истовремено и на сегашноста и начинот на нивна инклузија во надалеку познатата скандинавска демократија.
Во екипата на СП БТР Продукција овој пат ќе бидат продуцентот Зоран Димов, нараторот и актер Бајрам Северџан, сценаристот Рамуш Муарем –Цирко, и техничкиот дел за кој се задолжени снимателите Исен Бајрам и Ерхан Демир.

Британските Роми се креваат против нацистите

Кога Даниела Абрахам беше мало девојче во Словачка во осумдесеттите години од минатиот век, нејзината мајка ја праша зошто троши толку многу време да се бања во кадата таа одговорила : „Бидејќи ми рекоа дека сум валкана Циганка“, и рече на мајка си

Даниела е Ромка. Нејзиното прогонство во Словачка започна уште пред основно училиште. Малите деца одбиваа да си играат со неа, биле малтретирани, наречени „цигани“, што значи крадец, криминалец, лажго.

Денес Абрахам (39) живее во Лондон, каде неодамна го организираше првиот колективен протест на Ромите против словачките неонацисти кога го посетија главниот град и се обидоа да ги соберат Словаците што живеат во Велика Британија за својата кауза.

Таа го користи женското име на нејзината мајка, наместо нејзиното име, бидејќи сè уште има роднини кои живеат во Словачка, каде подемот на екстремната десница води кон уште полошо прогонство на Ромите отколку што било во текот на нејзиното детството.

Во Велика Британија, таа е исто така е вклучена во Меморијалниот фонд на Синти Роми, холокауст. Најмалку 750.000 Роми и Синти биле жртви во холокаустот. Според најновите истражувања, веројатно е таа бројка била и двојна.