Нова листа на најмоќни пасоши за 2023 година: Како котира Македонија?
Веб-страницата „Passport Index“ ги рангира пасошите на 96 земји во светот. Обединетите Арапски Емирати се на прво место во 2023 година, додека второто место на листата го делат дури пет земји. Македонија е на 36 место, што е пад од пет позиции споредбено со лани, иако бројот на земји каде Македонците можат да патуваат без визи останува 130. Од земјите во регионот најдобро е рангирана Словенија со пасошот на одлично седмо место.
Според најновиот извештај на Passport Index, и покрај празнината во мобилноста, пасошите на речиси секоја земја станаа посилни оваа година.
Од земјите во регионот Хрватскиот пасош е на осмото место, Србија на 32. како земји чии граѓани можат без виза да патуваат во 137 земји, а Црна Гора на 37. место. Пасошот на Босна и Херцеговина е на 44 место.
„Индексот на пасошите“ го опишува Обединетото Кралство како еден од „губитниците“ во 2023 година. Иако Велика Британија бележи пораст на својот глобален резултат за мобилност, овој нагорен тренд е забавен од борбата на земјата по Брегзит за постигнување визни договори со земјите-членки на ЕУ. Сепак, Велика Британија сè уште има безвизен пристап до 175 земји.
На самото дно е Авганистан, чии граѓани можат да патуваат во само 39 земји во светот без претходно издавање виза. Покрај Авганистан, на дното се Сирија, Пакистан, Сомалија, Јемен, Ирак и Бангладеш.