Сакам да речам

„Некој нови клинци„ од млади ромски активисти, до самопромоција во идни лидери!

По актуелните случувања во врска со евентуална кандидатура како предложен од ромскиот блок во Кабинетот на претседателот Пендаровски веднаш се отвори фронт за правење на разни дискусии, коментари па и иницирани анкети , за да се „измери„ пулсот кој е тој што може да ја земе таа функција.

И глеј чудо, во „прв план„ некако на површина излегоа имиња кои до „вчера„ беа заколнати непартиски и неполитички обоени малди интелткуалци, кој работат за подигање на ромското прашање на едно повисоко ниво.

Имиња кои се филтрираа како предлог беа општо познати имиња од ромскиот НВО сектор, кои на некој начин се промовираа во „коректор„ на актуелните и „истрошени„ ромски лидери, без некои амбиции да ги завземат нивните места.
Но одеднаш како да ја почувствуваа „климата„ дека е време и дека „сега или никогаш„ е моментот да се устоличат на тие места.

И уште поинтересно за тие позиции се „тепаат„ довчерашните па и сеуште актуелни „невладини„ потенцијали, кои вешто се криеа позади параванот наречен - невладини институции, здруженија, асоцијации и сл. И сите тие се од истиот блок кои за време на кампањите за Претседател на државата се наметнаа како неутрални опсерватори.

Имињата кои сега се профилтрираа се всушност добро познати „Некој нови клинци„ од Ромалитико, Рома Верситас фузирани во Аваја!

Јасен знак дека сепак политиката е многу посигурен безбеден и комотен статус отколку ромскиот активизам.
До вчера реториката „Неутрален и во име само за Ромскиот прогрес и добробит„ да се замени со истата формулација но без тоа „неутрален„ и со политички ноти „ Во име само за Ромскиот прогрес и добробит„,

А кога сме кај ноиминацијата едно прашање - Во што е работата што меѓу тие имиња го нема едно дете со исклучителен капацитет - по мое неутрално и објективно мислење - Денис Селман? Што му фали на ова дете?

РДС анализа - Примената на поврат на 15% од ДДВ, е егзекуција на сивата економија

Од први јули започна да се спроведува проектот на Владата - поврат на 15% ДДВ кај физичките лице.

Право на повраток имаат сите граѓани, и според пресметката дека максимален поврат на 15% ДДВ за едно четричлено семејство е максимално околу 30.000 денари - 500 евра.

Главна улога играат фискалните сметки кои се главниот клуч во спроведување на овој проект.

Тие потоа во скенирана форма преку симната апликација„Мој ДДВ„ од Андроид телефони се испраќаат до УЈП.

Целта на проектот е граѓаните да се вратат дел од парите, но и да бидат инспектори, да не купуваат без фискална.

Тоа значи дека оние „ситни„ трговци кои немаат можност да регистрираат свои фирми, а секојденвно зависат од препродажба на импровизирани или изнајмени тезги, може лесно да останат без работа, затоа што е нормално дека дел од граѓаните ќе им биде во интерес да купуваат таму каде ќе им даваат и фискални.

Се доаѓа до заклучок дека тие ситни трговци може многу лесно да останат и без работа,приход,промет и егзистенција!

Но, експерите пресметаа дека оваа сума од повратокот на ДДВ 15% ќе ја добијат најбогатите кои имаат повеќе пари за трошење.
Дали тоа ќе значи дека сепак оние со „поплиток џеб„ ако се откажат од скенирање и испраќање на фискални за поврат на ДДВ 15 %, тогаш поповолна опција на пазарење без фискална.

Инаку често знаат постарите луѓе во врска со функционирање на системот, држава-граѓани, и обврските еден кон друг знаат да ги прокоментираат во стилот : „Знаеме дека војуваат држава со држава, само кај нас исе војува држава со своите граѓани„

Инаку целиот проект ќе го чини буџетот околу 50 милиони евра, но очекувањата се дека наплатата на ДДВ ќе се зголеми. Парите ќе се враќаат на секои три месеци.

РДС Анализа (10-ти дел) По усвоениот закон за социјална помош - Само за основните животни трошоци потребни се 525 евра!

Во Собранието на Република Северна Македонија беше усвоен долгоочекуваниот пакет закон за социјална сигурност и искоренување на сиромаштијата .
Во него меѓудругото стои дека веќе од Јуни 2019 социјалната парична помош за пет и повеќе члено семејство ќе изнесува околу 200 евра. Нормално за да се користат тие услуги ќе има и правила со кој ќе се поттикнува намалување на невработеноста се со цел да не се потпира семејството на таа парична социјална помош.

Но сепак што вели статистиката кои се основните потреби на едно семејство во нашата држава.
Според неа најголем дел од парите или скоро 74% завршуваат за исхрана и домување.
Според најновите податоци што ги објавува ССМ, за да се подмират основните животни потреби во четвртиот месец од годинава биле потребни 525 евра, пишуваат магазините за економија.
Тоа би му дошло одприлика дека месечно за исхрана и сметки се потребни околу 400 евра. Од нив околу 226 евра за исхрана а за комуналии, покуќнина и одржување околу
170 евра. Ова значи дека во вкупните трошоци на месечно ниво, најголем удел имаат оние за основни потреби – храна и сметки за струја, вода и други комуналии.
Еве колку пари и за што се трошат, односно треба да се потрошат за да се задоволат основните животни потреби:
Исхрана и пијалаци 230 евра, Домување 170 евра, Хигиена 35 евра , Превоз 35 евра, Облека и обувки 30 евра, Култура 15 евра, Одржување на здравје 10 евра, Вкупно : 525 евра

Со фактот сега според усвоениот пакет закони дека максималниот износ на социјална парична помош на едно пет члено семејство ќе изнесува околу 200 евра, јасно е дека тоа семејство ќе треба да се потруди да најде некое вработување на најмалку двајца во тоа семејство за да го следат економскиот галоп во државата, и со максимално и рационално домаќинско водење на потребите да се излезе на крај од месецот.
Висината на раположливите приходи во едно домаќинство го диктира кавалитетот на животот. Статистиките покажуваат дека и оние кои работат или примаат пензија не значи дека се надвор од зоната на преживување.

Според Заводот за статистика стои дека од сите вработени лица само 9% се сиромашни, од сите невработени – 38,7%, од пензионерите – 7,7% и од другите неактивни 32,1% се сиромашно!

Затоа и пораката е следна, не треба да се „потпираме„ премногу на социјалното, затоа што животниот стандард е поразличен од социјалното скалило. За посигурен стандард -лекот е само -работа!

РДС анализата продолжува...

Ставот на текстот преставува личен став на РДС и е надвор од уредувачката политика на Веб порталот Рома Тајмс

РДС анализа (Девети дел) Дали Претседателот Пендаровски ќе се држи до дадениот збор за советник Ром во неговиот кабинет?

Новиот шеф на државата Стево Пендаровски официјално го започна својот пет годишен мандат од 12 мај годинава. Веќе и јавноста е информирана кој се ќе го сочинува неговиот тим во Кабинетот. Евидентно е дека во тој Кабинет не фигурира никаде ниту еден Ром во својство на советник или пак слично?
Веќе започнаа и реакциите меѓу ромската заедница во врска со новиот состав на Кабинетот на Пендаровски во врска со ненаименување на Ром во неговиот тим.

Што значи ова? Дали Пендаровски и СДСМ не беа задоволни од ангажманот на ромската заедница за време на претседателските избори, дали оценија дека меѓу Ромите нема доволно квалификуван ромски кадар за функцијата - Советник!
Или пак Пендаровски заборави на дадените ветувања за време на претседателската кампања дека ова е „едно општество„ и дека сите се еднакви, и дека ќе ангажира дефинитивно и советник во својот тим од Ромската заедница.

Колку што не држи паметењето тоа јавно го вети на многу митинзи кои се одржуваа пред ромската заедница, како и на организираната трибина -дебата од Ромскиот НВО сектор непосредно пред вториот изборен круг во Шуто Оризари.

Кој ќе биде изговорот на Шефот на државата во врска со ова прашање? Потребен е искрено одговор од негова страна без „ парафински ракавици„ отворено и во очи.
Подобро е така отколку извртување, целофанирање или слично, за да знаат и самите Роми и нивните предводници, дали некаде згрешиле, или пак самиот Пендаровски отворено го прекршил даденото ветување!

Тоа би било најфер, за да знае Ромската заедница всушност - на што е?

РДС анализата продолжува...

Ставот на текстот преставува личен став на РДС и е надвор од уредувачката политика на Веб порталот Рома Тајмс