Mangav te phenav

„Kulturakoro genocido upral o Roma„ – Reakcia dži ko Ministeriumi kulturake taro o koordinatori e MSTR, Zoran Dimov

Ki odoja reakcia dži ko Ministeriumi Kultruake thaj i ministerka Bisera Kostadinovska – Stojčevska vakerela pe:

Respektirime ministerske ! 

 

O baro makedonikano revolucionero o Goce Delčev vakergja: „Me havav e lumia sar umal ko kulturakoro meči maškar o nacie“ thaj ki odoja forma tari gind e kultura čhivela la ko majučo nivelo  an i lumia, faktea kana kerel pe lafi ko maškar haljovipa e naciengoro.

Odoleske ko konteks tari e Delčeveskiri notacia logično avela o pučiba:”Kobor o Roma lena than ko odova kulturakoro meči”? “Si li e Romen ki Makedonia askeri taro kulturakere askeria so ka maren pe”?

Akaleberšeskere programake ko finansiriba proektia taro nacionalno interesi ko umalja thaj aktivitetoa tari kultura bašo 2022 berš . O Ministeriumu kulturake hulavgja 1.053.000.000 denaria jali 17 milionia thaj 122 mile eura, so si paše pobuter bašo 1 milioni eura taro persi berš.

Koa kava budžeti thanjarde si proektia baši promocia em e romane kulturake so saste na nakhel o budžeti taro 1.900.000 denaria jail paše 30.000 eura dende bašo 13 aplikantia.

Odoleske respektirime ministerke ko anav taro Netvorko e sistemsko thaj savakteskere faisalia e Romane jekhinake ki RN Makedonia thaj ko anav taro kulturakere bukjarne tari Romani jekhin ki Republika Utarali Makedonia so deceniencar keren aktivitetii ki promocia e Romane kulturake em bilhaven akaja REAKCIA  dži tumende gindipaja kote akaleberšeskere rezultatia taro Ministeriumi Kulturake definitivno „parungja“ i Romani kultura an i them.

Na mangaja te gejna sa o dende aplikacie taro Romane organizacie kulturake ko akaleberšeskoro konkursi ama trubul te potencirinel pe kaj buteder taro odola proektia si lumgoberšeskere tradicijaja thaj sukcesialo kontinuiteto so reflektirinel sine o multikulturalizmi an i them.

Pobaro kotor taro odola aplikacie ikeren pe deceniencar napalal em sine sukcesiale implementirime thaj suportime so akana pohari sar te „čhinavgjovena“

Pučava man jekh:“ I Romani jekhin ki them so pukjinela o danoko em khuven ko Budžeto an i Republika Makedonia hulavena pe em ko Budžeti ko Ministeriumi Kulturake em si bašo finansiriba salde ko makedonikane em albanikane proektia?

 

Ki savi formsa em kriteriumia sine kerdi i selekcia ko hulavpa e lovenge?

Ko pres vakergjen kaj ko filteri nakhle 3.769 validno aplikacie. A bašo proektoa ka oven hulavde jelkh milijarda denaria. Prioriteto del ape e kherutne “dživde kulturake”

Sar so džala I Romani kultura ki Amari them si “kliničko muli”

Ko anav taro romane kulturakere akteria ko anav tari Romani jekhin reflektirinela protesti em reakcia sebepi akala rezultastia em rodela pe:

  • Majurgentno mitingo Tumencar te kerel pe jekh tikni delegacia taro kulturakere aktivistia e Romane jekhinake
  • Kontrola ko sa o resle proektia tari Romani jekhin thaj e membrencar tari Komisia.
  • Filtririba thaj elaboracia so si bilačhe kerdo ko odola proektia thaj ko avutnipa te na keren pak odola feleria ko avera konkursia.

 

Rodaja akava mitingo te ikerel pe majsigate šajdipaja ko Paraštuj 18.Fevruari 2022 berš.

 

Mangaja te informirineem te resa antvorto ki amari kerdi reakcia, a te na sine ka valjani te kera reakcia dći ko sa o rečevantno kherutne thaj internacionalkno institucie thaj dći ki Antikorupcisko komisia.

 

Respektoa

Netvorko e sistemsko thaj savakteskere faisalia

e Romane jekhinake ki RN Makedonia

Koordinatori

Zoran Dimov

DEMANTI TARO NETVORKO BŠO SISTEMSKO EM SA FAISALIA

Pativalen,

O Netvorko bašo sistemsko e sa faisalia, organizacie so si kotor olatar sar so si (HDZR Mesečina - Gostivar, InSoK - Skopje, Asociacia ki protektiva e Romane niamenge - ZZPR Štip, Romano Biznis Informativno Centro - RBIC Skopje, ROŽM Daja - Kumanovo, Romsko Jato - Bitola, KHAM - Delčevo, Ambrela  - Skopje)

Saste kera reakcia akale akteske bašo brutalno em fizičko maltretiriba e rajoske Igor Vckov tari Strumica, em sako brutalno em nakanonikano legaripa upral sakoneste em ko sako bilo than ki teritoria tari republika Utarali Makedonia.

Akharaja e institucien sebepi tromalipa em čačipa te tiknjarel pe o nicelo taro dezinformacie so kerena zijani ki Romani jekh, te faisalkeren akava akti e fizičko maltretiriba taro rajo Igor Vckov.

O Netvorko bašo sistemsko e sa faisalia em organizacie so si upreder notirime naakceptirinen taro odola notirime vakerina , teleperaviba m nafundamentalno došperavina em retorika taro o rajo Gege demirovski editirime ko socialno mediumia ko 19.03.2021 berš,

O tromalipa taro lafikeriba si Ustavno garantirimo niami sakone dizutneske ki Republika Utarali Makedonia numa aso amaro džanlipa em aktiviteto sikavaja napakjiv kaj angleder o rajo Igor Vckov sine deklaririme sar Rom tari Romani jekhin numa o Netvorko bašo sistemsko e sa faisalia palem notirinel o načalipa taro brutliteto.

Ki kerdi komunikacia amare membroncar tari Strumica amen sikavaja napakjivb ko čačipa ki notacia taro o rajo Igor Vckov kaj i policia em o sekjuriti uče politikane funkcionienge keren natolerancis em maltretiriba e Romane jekhinake.

Akharaja e rajo Gege Demirovski ko avutnipa te kerel lafi ko piro personalno anav em ko anav aro okola so dengje le odoja funkcia m numa na ko anav taro sa o Roma, soske asavki oleskiri retorika anela zijani em devavaca e Romane jekhinake.

Aver rigatar akharaja e rajo Gege Demirovski bašo šularipa e Romane jekhinake kote so ov da korkoro akcentirinel pe sar lengoro kotorte na teleperavel i Romani jekhin bašo pire personalno em politikane interesoa em marketing.

Dži kote o nieti taro o rajo Gege Demirovski si čačutne em phravde ko lačharipa o dživdupa, tromalipa e m niamia te iranen pe ki republika Utarali Makedonia em te kerel kolaboracia sa aver politikane em NGO instituciencar okolenge so ov  notirinel avrialdan .

O Netvorko bašo sistemsko e sa faisalia kerel buti ko drumo te ovel egaliteti em niami anglal o Kanoni em te len than ko lačharipa e dživdipaske e Romenge ki Republika Utarali Makedonia džanlipaja kaj akava drumo nikana na sine lokheste.

 

e-mail: Această adresă de email este protejată contra spambots. Trebuie să activați JavaScript pentru a o vedea., tel: +389 (0) 2 2656-901

 

Respektoa,

 

Ko anav tarii organizacia O Netvorko bašo sistemsko e sa faisalia

 

23.03.2021 berš,

SKOPJE

FB stausi tari Jovana Janevska: Miro anav si Idriz

O teloanav nane importantno, našundo, našavdo nekote maškar o importantno identiteti em naimportantno taro miro personalno dživdipa. Na pungjum le , em nikana na sikliljum le te hramosarav miro teloanav.
Kaske si importantno o anav so mangel le sine miri daj jali o teloanav , jekhutne so šaj te del man miro dat?

O čhave sar mande si učharin ko edukaciakere institucie, ko sastipaskoro sistemo odothe siem šaj em problemi.  Kos a o aver lila amen siem salde kotor taro jekh gendo, jekh statistika, jekh tikno nasasto kotor anavkerdi sra teleperavdi kategoria. Em akate isi jekh savakteskiri em lungo bisterdo maripa amare inkluziake, amare phanlipaske ko sasoitnipa.

A amen siem akate, anglal tumare jakha, telal tumare pire, ko tumare vasta.


Nikana na sium sine nekaskoro. Na sine man familia sar okola familie so isi len ko bilbordia ko Skopje, okola soj bahtale em so bešena barabutne asando ko barvale sofre. Sar biandiljum me sium pe droma. Doduše o drom da si mancar. Ni jekh na nakhavgja man prekal o drom ikeribaja taro vasta em te vakerel mange te dikhav levo em desno ked nakhav o drom . Ni jekh na vakergja mange soske si o  semafori. Sasikliljum korkoro.

Kaj o lolo si maripa, a o harialo (zeleno) stagniriba.

 

Sa o kvartia si mire. Sa o kušia kote garava man taro siledžie. Sa o phurta kote ko mle džepe garavav o love so dena man tumen, sa o raskrsnice kote so bašavav tumenge khujbaja ki mi daburka zorea so nane man takati tari bokh em I šil.


Ama amen o Roma rovaja em asajbaja. Amari bibaht nane sar so si tumari.

Amari bibaht si salde Amari.

Amari bibaht si zorali, muzikalno. Amari bibaht si arti.

Amari bibaht si salde amari.

Isi man but amala. Majbaro kotor olendar si o džukela, kasaja hulavav o dive em o maro, I rakj em o droma. Nikana na mukhle man, Po desavo drom našaja taro birđima, podesavo drom haja barabutne gevrekia ko parko.


Tumari mangin si dujmijali. Tumari mangin si la duj standardia. Tumen na mangena, tumen hohavena. Vakerena kaj mangena čhaven , den suporto e čhavorikane ambasadake em asociacie em čhavengere niamia, a e romane čhaven gazinena so si tumenge pe droma kana džan ko autobusia.

Na bešen dži amende paše, na astaren o račke kote ikera amen . Rovena ki storia e čhajake kibritencar, a ignoririnena e romane čhajen kaskere šudre vasta astaren tumare kaputia.

Slikinen pe thule manušencar ko ploštadi uravde sar Dedo Mraz , so galinen tumare čhaven, a tumare tepnencar šutirinen me amalen.

 

Jertisarav man amare kerde felerencar so si pobuter averengere nego mire.

Amen o čhave kera feleri neli?

Ama gindinav kaj tumen na pomukhen but amenge e čhavenge.

Kobor droma frdingjen man taro busi so na sine man buseskoro tiketi?

Soske na ikaven taro busi e čhaven so si ko busi pumare diencar , a na pukjinen tiketi?

Kobor droma margjen man soske počojral mangljum te khuvav ko tumaro lokali te bikinav palome em te takjovav hari ki dekemvrisko rakj?

Maren li e čhaven kana organizirine desavo hepening em keren zori te bikinen tumenge hurde lovenge?

Ssoke o čhave ki lumia pašljona te soven ko 10 rakjate , a me bisuto bašavav tumenge em ko duj o saati pali I jekvaš I rakj, te šaj te tromarav mi bokh so na del man te zasovav?


Po desavo drom mangav te džanav so udžaren mandar?

Mangen te ova fantomia?

Mangen li te ova čačutne sar tume?

Dengjen li amen šansa odoleske?

Na siklilen li so si siguriteto, so sit e ovel manušeske tato, sama em mangin?

Trujal dživdipe ki dar so dikhena man em daravena man našti sine te sikljovav but.


Miro anav si Idriz.

Mo ilo si romano. Dava le trujal asajbe.

Ko kokala legarav štembili taro aver džonia.

I jakna nane miri

Ko jakha legarav džanlipa. Tume olate anavkeren sar dromengiri, a me ka vakerav džanlipa te šaj te ačhovav dživdo.

Душата ми е ромска. Ја раздавам низ насмев.
Ko breha si man vilo so džanela, sar tumaro da , so čahvo romano sar so rodela sako sabajle tumendar, odova so ačhilo kotor taro ekleri jali deš denaria.

Miro anav si Idriz.
a miro teloanav si naimportantno

 

Akava si notirime e čhaveske so sine mardo taro trin phureder murša ko centro e Skopjeske.

Lipardo e čhaveske so sine mardo ko busi numero 22 tari jekh phureder džuvli.

Liparde sa oe čhavenge kaskere niamia nane lent e šaj teleperaven olen.

 

Link: https://www.facebook.com/notes/%D1%98%D0%BE%D0%B2%D0%B0%D0%BD%D0%B0-%D1%98%D0%B0%D0%BD%D0%B5%D0%B2%D1%81%D0%BA%D0%B0/%D0%B8%D0%BC%D0%B5%D1%82%D0%BE-%D0%BC%D0%B8-%D0%B5-%D0%B8%D0%B4%D1%80%D0%B8%D0%B7/3169039629792009/

 

RDS: Hazri siem te promovirina Rom kandidatia deputateske ki sako Alusaribaskiri jekhin!

I euforia:“Parlamentarno alusariba 2020“ ki amari them na nakhavela ne e romane politikane bloko. Matematikane kalkulaciaja na nakhena ni e romane politikane lideren, a ni okolen sar neve romane politikane protagonistoa.

 

Ko jekh akate si em okola anavkerde „ Romano NGO sektoro“ so dži „erati“ sine sar NGO a akana „metastazirinen pe“ sar politikano profilo.

 

Sar jekhutne akale saste situaciake o Romano demokratikano Sojuzi – RDS  so dži akana figuririnel sine sar nacionalno aktiviteto, hor gindinela te kerel politikano angažmano.

 

Pendžaribaja i struktura em o kapaciteto , o dži akanutne džanle romane politikane „lideria“ a ko jekh em o potencialno kandidatia so mangen te khuven ko „panja e politikake“ o RDS akanaske kerel strategia em plano sar šaj ola da oven kotor  taro akala Parlamentarno alusariba so ka ovel ko 12 aprilo akava berš.

 

O RDS akcentirinela kaj šukare pendžarel i struktura em o problemia , a ko jekh em faisalia o problemia ki romani jekhin ki them em lokheste ka prependžarel o čačutne nietia taro aktiviteto taro RDS,

 

Odoleske si hazri te den ki pli lista ko sa alusaribaskere jekhina ki them , a premal o amplitude đaj lokheste te ikaven Romane deputatia taro RDS ko avutno makedonikano Parlamento.

 

Jekh džanel pe kaj panda na sikavge odolea kasaja ka džan em savi politikani opcia ka ikeren e makedonsko blokoa, kasaja šaj ka keren eventualno koalicia.

 

Sar so vakeren taro RDS ola si sreizno hazri akale akteske soske džanen pire kapacitetia em o profilo so šaj dena ko parlamentarno alusariba.

Sr so vakeren but sigate ka džanen so ka keren majodoriga em so ka kerel o RDS  so čačipaske but siga avela akava peroiodi.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 260 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali