An o Parlamento e themake sine akceptirime lungo dužaribaskoro socialno reformsko paketi socialno siguritetoske thaj eliminacia čorolipaske.

Ko oleste maškar aver tergjola kaj taro Juni 2019 berš o socialno bašo pobuter taro 5 membrengiri familia ka ovel paše 200 eura. Normalno te šak ln pe odola love ka ovel thaj kanonia te tikjanrel pe o bibukjarnipa resarinaja te na ovel suporto salde upral o socialno benefiti e familiake.

Numa so vakerel i statistika kobor trubul jekhe familiake an i them.
Aso olate majbaro kotor taro love, jali 74% džan hajbaske thaj režisko troškoa.

Aso o majnevo rodaripa taro SSM te šaj ikljol pe ko agor e masekoske trubul 525 eura hramosaren o ekonomsko magazinia.

Odova ka avel saer ko masek hajbaske em esapinenge te del pe 400 eura. olendar paše 226 eura hajbaske em komunalie em 170 eura khereske. Dikhel pe kaj majabro kotor ko masek džal, hajbaske em pukjiba komunalie em režisko troškoa. Ake kobor love den pe avere bukjenge an o maske.
Hajbe em pijbe 230 eura, Kherutnipaske 170 eura, Higiena, 35 eura,m Transport 35 eura. Šeja 30 eura. Kultura 15 eura, Sastipa 10 eura. Sumarum 525 eura.

Fakti si kaj akana akceptirime paket kanonia o maskimum love so šaj lel pe si paše 200 eura klar si dikhlo kaj odoja familia ka trubul majlačheste te arakhel buti minimum duj džene an i familia te šaj ikerle o ekonomsko galop an i them thaj maksimalno racionalno hardžibaja te ikljol ko agor e masekoske.
O love an i jekh familia diktirinel o kvaliteo dživdipaske. I statistika sikavela kaj okola so keren buti jali si len panzia na sikavel kaj si avrial taro čorolipa.

Aso o fiso statistikake tergjol kaj sa okola so si an i buti si salde 9% čorole taro sa okola so si bizi buti 38,7%, taro penzioneria si 7,7% thaj okola aver na aktivno 32,1% si čorole!

Odoleske o mesažo si akava, na trubul te udžara but taro socialno soske o standardi dživdipaske si diferentno taro socialno. Bašo majsiguritetno standardi o iljači si salde - buti!

I RDS analizadžala majodoriga..

O stavi taro teskti si personalno taro RDS thaj si avri tari redaktorsko politika e web portaloske Roma Times

O nevo šefi e themake o Stevo Pendarovski oficialno startujngja pire 5 berš presidenteskoro mandato an o 12 maj akava berš.
Ko mediumia si i informacia ko ka ovel ko timi taro oleskoro Kabineto.
Dikhel pe kaj an o oleskoro Kabineto na figuririnela ni jeklh Rom sar konsiliaro.

Startujngje o reakcie tari i romani jekhin vash o nevo timi ko Kabineti taro Pendarovski an o odova soske nane anavkerdo ni jekh Rom ko oleskoro timi.

So si akava? Dali o Pendarovski thaj o SDSM nane čale taro angažmano e romane politikane felake ko vakti tari presidenteskiri kampanja? Dali dikhle kaj e Romen nane kvalitetno thaj kvalifikujmo kadari akale funkciake - Konsiliari!

Jali o Pendarovski bistergja plo dendo lafi ko vakti tari presidenteskiri kampanja kaj akava si "jekh sasoitnipa" kaj savore siam jekh thaj ka angažirinel definitivno konsiliari ko plo timi tari i Romani jekhin.

Kobor so ikerel amen i memoria ov anglal savoren dengja lafi ko but mitingoa so kergja anglal ko Roma thaj i organizirimi tribina .debata taro Romano NGO angleder u dujto alusaribaskiri rota an o Šuto Orizari.

So akana ka vakerel o Šefi e themake akale pučibaske? Trubul čačutno thaj realno antvorto olestar bizi "oblanda" em "parafinsko rukavice phravde em ko jakha direktno.

Majlačhe si agjaar bizo celofani em aver te džanel pe em o korkoro o Roma em olengere lideria , te grešingje nekote jali o korkoro Pendarovski pharvde na kergja o dendo lafi!.

Odova ka ovel majfer te džanen sa o Roma ko soj tane!

I RDS analizadžala majodoriga..

O stavi taro teskti si personalno taro RDS thaj si avri tari redaktorsko politika e web portaloske Roma Times