Во рамки на своите активности Интернационалната Ромска Унија – ИРУ според донесената одлука следниот ИРУ Конгрес , 11-ти по ред ќе се одржи од 28 -30 Март во Скопје, Р. Северна Македонија.
Покрај изборот на новото раководство на ИРУ , ќе има и прием на нови членови – делегати на ИРУ.
Според Статутот на ИРУ Конгресот се организира на секои 4 години, и последниот 10 ИРУ Конгрес беше во март 2016 година.
За прв пат во историјата на ИРУ за време на Конгресот во Скопје , идното Претседателство ќе биде избрано и од регистрирани гласачи кои преку електронски пат ќе го дадат својот глас. Засега во Комисијата за Демократска Транзиција се регистрирани 5.600 гласачи и со тоа ќе биде и поширок и подемократски мандат на идното ИРУ Раководство.
Истовремено ќе се врши и прием на нови делегати во ИРУ. За правилата, формуларот, и рокот за истакнување кандидатира за делегат на ИРУ можете да ги најдете апликационите формулари на Веб сајтот на ИРУ на https://iromaniunion.org/index.php/mk/# во папката „Документи„ , како и на самата насловна страница на Веб порталот Roma Times - https://www.romatimes.news/index.php/ro/
