Dzi kote akava legarel akava ?! Parodia thaj ladjavipa e Romane jekhipaske
A no augusto akava bersh an i Latvia - Riga, prekal i korkorutni inicijativa vash 3-4 ex membrora taro IRU, ikerdilo nalegitimno kongreso an i akaja them.
Prekal i iniciativa vash o Nordmund Rudowich, Stanislaw Stankiewich thaj aver akava "khidipa" kerdo si kote than lele "baro numero delegatora" taro IRU , savo nomero legardo si pashe 20.
Anglutne djanel pe sine kote o Nordmund lela love te kerel muzikakoro festivalo, numa odole lovendar kerda thaj parodia vash o IRU. O digniteti taro membrora akale "khidipaske" sikavela thaj so si len kerdo an o thema kotar so avile!. O anava olengere si phanel salde jekhe vorbaja - luksuz kriminalcoja!
A te ovel panda majbari parodia, o IRU si organizacia so kerel maripa vash o sa o segmentia an o romano djivdipa.
Numa odola divesa taro akala EX IRU manusha, te shaj majkomotno te ovel olengiri akomodacia, ko than te keren maripa mujal i diskriminacia, ekonomsko, politikani, socialno thaj aver situacia e Romencar an i lumia, o Romane parazitia kergje te oven len akomodacia sar Romane thagara.
Dzi kote milioni Roma an i Europa maren pe mujal socialno thaj ekonomikano diskriminacia thaj deportacia, akala Romane parazitia love dena sine vash o luksuzi. Odoleske akana ka legaren anav LUKSUZ FAMILIA.
Bisterde ola soske avile an i Riga. Majbut Roma iklljon an o agor ple corolipaja a i LUKSUZ FAMILIA kerel fotos sar ola nakhle odola divesa an i Riga!!!!!!
Bravo Nordmund, bravo Stankiewich, bravo savorenge so sine an i Riga. Akalea sikavden tumaro Romano patriotizmo!. Tumen sien o majbare! Tumen sien o kapo!
TUMEN SIEN ODOLA SO KA ANEN MAJLACHO DZIVDIPA E ROMENGE AN I LUMIA!
Majlachi percepcia upral tumare Romane phrala thaj phenja si tumen kana dikhen len taro asavke luksuzno vordona! BRAVO!
