O Nordmund nisar te ikavel tari pi godi i purani idea vash o profito taro romane pasportia! . Akava manush nashti lokheste chidel pe tari akaja idea.
Ko than te del pe godi kaj kerel majbaro thaj majnalegitimno kriminalo, ov akale aktosa gndil kaj si majbaro patrioto. Numaj isi aver vorba. Ov si majbaro ILUZORNO ROMANO PATRIOTO - viziasa vasho majbaro profito. So si majtragicno, ki akaja idea participientia si thaj aver diferentno govermenteskere thaj themengere manusha Roma so si membrora vash o themengere institucie kote so keren buti. Dragoljub Ackovic, Kjutim Pacaku, Veljko Kajtaz thaj Joze Horvat. Ola si sherutne protagonistia vash o Western Balkan te bikinen e Romenge pasportia basho 100 eura!
Romano pasporto - 100 eura!. Lachi idea, numa kobor si validno?
Jekhto puciba: Kana kerel pe lafi vash validno dokumenti vash i identifikacia , thaj dokumenti vash o dromaripa, trubul te ovel validno majanglal an i odoja them kotar si o Rom. Si li validno akava pasporti ani Latvia, Poland, Serbia, Croatia, Slovenia Kosovo thaj aver thema? - Soske thaj kaske te dav 100 eura?
Dujto puciba: O romano pasporto si li validno an o EU thaj UN ? - Soske thaj kaske te dav 100 eura?
Trinto puciba: Shaj li romane pasportea lav validno visa vash i USA, Great Britanian, Australia thaj aver thema? - Soske thaj kaske te dav 100 eura?
Starto puciba: Vash validno dokumenti trubul validno kompania so ka kerel akala biometrisko pasportia. Savi validno kompania ka astarel te kerel akava bizniso upral navalidno dokumento! Kamel li odoja kompania te astarel pe ko kriminalo? - Soske thaj kaske te dav 100 eura?
Isi but puciba numaj nane antworto! O Rudojewich, Stankiewich, Dragoljub Ackovic, Kjutim Pacaku, Veljko Kajtaz ,Joze Horvat thaj aver so keren proklamacia akale ideake Romano pasporti, dikhel pe kaj si majbaro kriminali thaj kamen te keren salde profito upral o romano dumo.
Ola lache dzanen kaj jekh validno dokumento amajnglal kerel pe maripa an o institucie te saj ovel oficialno dokumento, thaj majpalal, shaj te keren odola pasortia.
Ola gndinen kaj o Roma si eksperimnt animalia, thaj keren laboratorisko eskperimenti, numaj lache profitea!
Ladjavo si gasave intelektualcia te khelen pe e Romencar. Numa i karma si interesno buti. O Devel iranela sa!
