Социјала

РКE: Евтина тарифа ќе има меѓу 11 и 16 часот, од ЕВН ќе зависи дали ќе ја добијат сите корисници одеднаш

Дневната евтина тарифа на електричната енергија ќе се врати во периодот од 11 до 16 часот, односно на два часа дневно, но дали ќе добијат сите одеднаш ќе зависи од состојбата на броилата кои ќе ги проверува ЕВН.

– После неколку години, редно е да се врати евтината дневна тарифа. Се прават последните пресметки и за период од десет до 15 дена ќе се знае во кој период таа ќе биде воведена. Засега е познато дека ќе биде два часа, а ќе се воведе во периодот од 11 и 16 часот кога според нашите анализи, цената на струјата на берзите е најниска. Дали ќе ја добијат сите одеднаш, ќе зависи од ЕВН која ќе ги проверува и прилагодува броилата. Ќе бараме поинтензивно да се менуваат броилата кои не може да се отчитуваат од далечина, затоа што смарт броила има многу многу – изјави претседателот на РКЕ, Марко Бислимоски.

Во однос на цената на струјата, Бислимоски рече дека се прават последните анализи и дека некои оператори доставиле предлози за цени.

– Електродистрибуција побара зголемување од 32%, а ЕВН не достави предлог цена затоа што следниот месец ќе ги прави набавките на електрична енергија. Во однос на враќањето на ДДВ на 18%, ние како Регулаторна одлуките ги носиме без ДДВ и нашата одлука нема да влијае – додаде Бислимоски.

Приватните превозници од денеска повторно низ скопските улици

Јавното сообраќајно претпријатие – Скопје на социјалните мрежи објави дека е потпишан договор со приватните автобуски превозници и тие од денеска повторно ќе почнат да сообраќаат низ улиците на Скопје.

Од утрово приватните превозници ќе ги опслужуваат линиите 23, 45, 61, 63, 73, 9, 11, 11A, 12, 47A, 55, 19, 20, 22, 52, 54, со 105 модерни автобуси.

Азербејџан: Ромите се борат за секојдневен опстанок во дискриминаторска средина

Во азербејџанскиот град Јевлах, локалните Ромки велат дека нема друг избор освен да питачат за да заработат за живот, бидејќи и понатаму се соочуваат со дискриминација. Локалните Ромки им се жалат на новинарите на Радио Слободна Европа (РСЕ/РС) дека речиси и да не добиваат финансиска поддршка од локалните власти, кои ги негираат тие наводи.

„Ако владата ми даде пари за чевли, храна и облека за моите деца, немаше да треба да излегуваме да просиме“, рече Гулпари Мамадова, која првично не сакаше да зборува пред камера бидејќи претходно била малтретирана од полицијата поради нејзините претходни изјави за медиумите . „[Децата] гледаат дека нема леб дома, дека нема храна. Излегуваат да просат, носат леб и храна дома. Тие мораат. Да седиме дома и да умреме од глад?“ Мамедова очајно ја праша РСЕ.

Според неофицијална проценка, во Азербејџан живеат околу 10.000 Роми. Многумина се идентификуваат како Курди, но локалното население ги нарекува „Цигани“.

Мамедова за РСЕ изјави дека ја сака својата земја. На еден од нејзините ѕидови виси азербејџанско знаме кое го спасила од канта за ѓубре.

Мајката Ромка за РСЕ изјави дека многупати аплицирала за социјална помош за себе и за нејзините девет деца. „Колку долго треба да ги чекам тие пари? Не ѝ доликува на нашата азербејџанска муслиманска нација [нашите деца] да вадат сув леб од ѓубрето, да го влажнат и да го јадат“, рече таа во солзи.

Мамедова, исто така, рече дека се надева дека нејзините деца ќе се грижат за неа кога ќе постара. Азербејџанските Роми живеат одвоено од мнозинското општество.

Link: https://romea.cz/en/world/azerbaijan-romani-people-struggle-for-daily-survival-in-a-discriminatory-environment

Video: https://www.rferl.org/a/azerbaijani-roma-begging-yevlakh/32382132.html?utm_medium=affiliate&utm_campaign=RFE-player32382132&utm_source=romea.cz%2F&utm_content=player

Најцрниот ден во Србија: Девет мртви, седум ученици во операциона сала, едно девојче се бори за живот

Девет лица загинаа во пукотницата што се случи утринава околу осум часот во основното училиште во Врачар во Белград. Меѓу жртвите има и деца, како и училишен чувар, додека шест деца и една наставничка се ранети и им била укажана помош во Ургентниот центар и Тиршова. За пукањето е уапсен ученикот Коста К.(14).

Драган Влаховиќ, училишен чувар, беше првата жртва на Коста К.(14) кој утрово уби девет лица во масовното пукање во училиштето „Владислав Рибникар“ во Врачар.

Во основното училиште каде што се пукало, како што објави Нова.рс, пронајден е ранец во кој имало оружје, муниција и молотови коктели, односно шишиња со запалива течност. Во овој момент не се знае со сигурност дали тој ранец на училиште го донел Коста К.(14), ученикот кој беше уапсен за пукањето.

Според Нова.рс, Коста К.(14) најпрвин го застрелал чуварот кој се обидел да му го земе оружјето и да го запре.

Како што дознаваме, Коста, со оружје во рака велгол во училиштето. Чуварот го видел тоа и тргнал да го спречи, кога ученикот пукал во него. Тој прво пукал во три лица во училишниот ходник, а потоа влетал на час по историја и почнал да пука. Од два шаржери биле испукани најмалку 15 куршуми.