Социјала

Зошто Ромите се непосакувани соседи?

“Се прашувам, би правеле ли протести а да не се во прашање Ромите?”,беше првиот коментар на преставникот на Ромите во хрватскиот Сабор, Вељко кајтази, на молба од Ал Џезира да го прокоментира овој момент кои неодамна беа преселени 29 ромски семејства во стамбената зграда во загребската населба Петрушевац

Градот Загреб за тие потреби купи и недвижнини и ромските семејства требаше да ги превземат клучевите , но беа спречени. Протестантите тврдеа дека објхектите не се прилагодени за живеење , и го спречија вселувањето, со акцент дека не се тука да протестираат само затоа дека се Роми.
Подоцна со полициска асистенција ромските семејства беа вселени.

Но тоа не беше прв пат каде граѓаните од оваа населба да протестираат против Ромите. Исто така ниту е прв пат во Загреб да се протестира против Ромите .

Но вакви слики кога се работи за Роми и подобрување на нивните услови за живот ги има насекаде низ Балканот. Но исто така не само на Балканот, предупреди социологот и политиколог Срѓан Дворник , туку тоа го има и во Европа , наведувајќи ги примерите во Чешка, “држава која меѓу постсоцијалистичките се смета за цивилизирана, и која не постапува кон Ромите ништо подобро од овие од „нашиот регион.

Link: http://www.romskiportal.com/2019/07/08/zasto-su-romi-nepozeljni-susjedi/

Стереотипи: Крадење деца

Перцепцијата вели дека Ромите често крадат неромски деца и бебиња и потоа ги растат како свои или пак ги искористуваат за свој личен финансиски интерес.

Реалноста е всушност дека низ историјата Ромите беа жртвени јагниња кога некое дете ќе исчезнеше.

Меѓутоа во псоледните 20 години еден број на истражувачи покажа дека всушност ромската популација е најзагрозена кога државата, Црквите или хуманитарните организации им ги одземаат децата.

Ромските деца рутински се оделуваат од своите семејства од дискриминаторски причини , од тоа да не „изгледаат како ромски деца„ до изговор на поединци дека ромите имаат премногу деца.

Поради сиромаштијата и маргинализацијата ромските деца и под голем ризик се да постанат предмет на трговија со луѓе.

Смртноста на Ромските новороденчиња е за 1,5 пати повисока за разлика од македонското население во 2017 година

Ромите се соочуваат со понеповолна здравствена состојба од останатото население. Новороденечката смртност помеѓу Ромите е за 1,5 пати повисока за разлика од македонското население во 2017 година.

Во истата година речиси 50% од смртните случаи кај Ромите се случиле пред 65-та година од животот, за разлика од 23% кај останатото население, велат здружение организации.

Според организациите, превентивната здравствена заштита по однос на репродуктивното здравје, како и здравјето на мајките и децата е клучна во овозможување здрав почеток на животот и со тоа подобрување на здравјето на целото население.

Преку работата на здруженијата на полето на имунизација на децата Роми во општините Шуто Оризари, Делчево, Виница и Пехчево, опфатот на децата Роми со вакцинација значително се зголеми од 2012 до денес и во моментот опфатот е над 90%.

„Меѓутоа Ромската заедница од овие општини се уште се соочуваа со проблеми во пристапот до превентивната здравствена заштита за унапредување на женското репродуктивно здравје и здравјето на мајките и децата. Клучни детектирани проблеми се: недоволен опфат со посети од патронажни сестри, недоволен опфат со здравствена едукација, недоволен опфат со систематски прегледи за децата вон образовниот систем, недоволен опфат со Програмата за скрининг на рак на грлото на матката и наплаќање на услугите од страна на матичните гинеколози“, соопштуваат организациите.

На Самиото во Познањ - Полска усвоена Декларација на земјите од Западен Балкан за интеграција на Ромите во процесот на проширување на ЕУ

На иницијатива на Северна Македонија на Самитот во Познањ ќе биде усвоена Декларација на земјите од Западен Балкан за интеграција на Ромите во процесот на проширување на ЕУ

Еден од документите што ќе бидат усвоени на годишниот Самит за Западен Балкан што денеска и утре се одржува во Познањ, Република Полска, ќе биде и Декларацијата на земјите од Западен Балкан за интеграција на Роми во рамки на процесот на проширување на ЕУ.

Декларацијата која беше предложена од Претседателот на Владата на Република Северна Македонија Зоран Заев на Самитот ЕУ-Западен Балкан во Софија на 17-ти мај 2018 година, иницираше регионална посветеност за интеграцијата на Ромите како дел од процесот на проширување на ЕУ, а ќе биде потпишана на Форумот на лидери од земјите на Западен Балкан, во петок на 5 јули.

Иницијативата за оваа декларација, со силна поддршка на Европската комисија и на Советот за регионална соработка, определува амбициозни, но реални цели за интеграција на Ромите, што земјите од регионот треба да ги постигнат пред пристапувањето во ЕУ.

Декларацијата ги опфаќа и основните принципи неопходни за постигнување на поставените цели, вклучувајќи внатрешна координација, распределба на буџетот, следење и известување, учество на Ромите и ги поставува основните принципи за постигнување на стратешката цел на Националната стратегија за Роми 2014-2020:

Намалување на јазот меѓу ромската и не-ромската заедница, зајакнување на процесот на мониторинг на спроведувањето на јавните политики и активности на Владите во регионот со што се придонесува кон подобрување на положбата на Ромите.

Министерот без ресор задолжен за имплементација на Стратегијата за Роми во Владата на РСМ Музафер Бајрам е и Национална контакт точка за Роми за координација на акциски планови за реализација на одредбите од Декларацијата на земјите од Западен Балкан за интеграција на Роми во рамки на процесот на проширување на ЕУ, што ќе биде усвоена на Самитот во Познањ.