Магнети со ликот на Хитлер на големо се продаваат на тезги во Старата скопска чаршија, во непосредна близина на Музејот на холокаустот. Меѓу изложените сувенири купувачите имаат шанса да си изберат и магнети со ликовите на Мајка Тереза, Александар Македонски, Тито и Сталин. Меѓутоа, продавачите велат дека најбарани се магнетите со ликот на Хитлер.

Продавачите кои ги продаваат овие шокантни сувенири речиси не се ни свесни за последиците кои ги предизвикуваат. Рамката во која се сместени сите магнети загрижува и открива во која мера човештвото има куса меморија и недостиг на познавање на историските факти, реагираат минувачите.

Она што е чудно е дека ликот на Хитлер и Мајка Тереза се еден до друг. Мајка Тереза добитничка на Нобеловата награда за мир и до неа човекот кој уби милиони луѓе. Чудна комбинација е дека тие се еден до друг, вели еден странски турист.

Во Европа има тенденција на будење на неонацизмот посебно во време на мигрантската криза, но кај нас во даденава ситуација се работи за манипулација со незнаење, имитација на погубни движења во светот и пропусти во образовниот систем посебно кај младите генерации.

Во неколку наврати Меморијалниот музеј на Холокаустот реагирал до продавачите дека се глорифицира деструктивна идеологија во светски рамки, во која загинаа над 50 милиони луѓе. Бидејќи обидите биле залудни и продажбата на магнети со ликот на Хитлер продолжува Еврејската заедница во Македонија минатата година поднесе иницијатива до Министерството за правда.

Момче од ромска националност од Србија беше претепан само затоа што е Ром. Момчето кој на Твитер е запишан како "čiganče" објави готографија од своето модро лице.
За себе вели дека никогаш во својот живот не се степал , и дека навикнал да биде „трн во око„ на другите. Како што тврди до сега многу пати бил вербално нападнат, но сега и брутално претепан.
За нападот кој се случи неодамна вели:
„ Добив ќотек само затоа што сум Ром! Навикнав на вербални навреди но вечерва немав таква среќа и бев и физички нападнат. Не сум тип кој прв започнува кавга. Ја споделив фотографијата не да ме сожалувате туку од немоќ што да направам по овој напад„ стои на постот ос својот Твитер.
- Молчиш и трпиш. Мака ми е но не поради мене туку за моите сестри , кои имаат иста боја на кожа како и јас, и ако не друго барем ќе твитнам , и можеби ќе се промени нешто„ -се надева момчето.
Имаше многу пораки со поддршка, но не е познато зошто не пријавил во полиција.
Инаку во Србија има пораст на дискриминација кон Ромите на расистичка основа и покажува опасен напредок на расни предрасуди до расистичка пракса и насилство.