Kana sa okola romane purane aktivistia so mule dži akana taro 1971 berš ko London kana lele than ko Jekhto Romano lumiakoro Kongreso so avdive desave "romane aktivistia kerena buti" ko anav taro IRU , šaj akana iranen pe ko ple limoria kote si parume.
I idea taro teganutne romane partiotia taro 1971 berš majhari sine lenge desavo avdisutno aktivisto te manipulirinen e IRUsa.
Sa o mitingoa thaj konferencie so kergja o IRU taro 1971 berš pa naakari sine kerde intenciaja te lačharel pe o Romano satusi an i sasti lumia, thaj definitivno identifikacia sar nacia.
Ko desave avdisutne romane agjaar anavkerde "romane lideria an o IRU numa keren aver čhane . Ko than aktivitetia, kampanje, mitingoa, promocie thaj afirmacia taro sako forma thaj karakteri e Romane pučibaske thaj o pherde problemia so isi e Romen , ola ko anav taro IRU keren peske parti.
Ko momenti o mitingo taro fantomsko IRU an i Latvia, Riga thaj olakoro roganizatori o Nortmund Rudevic, istemalkerel le sar paravani bašo muzikakoro hepeningo kote naidentifikujme lovencar organizirinela an i latviako akava periodo e beršeske.
Ov odova kergja thaj persi berš ko vakti taro "oleskoro IRU Kongreso" akava da berš kerel numa akana sar IRU Parlamento kote majbaro numero taro akahrde misafiria (sar demek delagtia taro IRU) si taro baltičko thema ko pašipa e Latviake kote nane ni validno dekreto si li ola čače IRU membria? Ov akhargja manušen nesave lovencar so lelja len taro leske pendžardo fondo te kerel muzikakoro festivali thaj IRU parlementi.
A normalno sar ofocialno agjaar thaj naoficialno akharde persone ka aven soske ko na mangel te avel ko parti thaj muzika? A e Romenge čače alo dži ki muzika!
Kobor si seriozno ko ple plania dikhel pe prekal kerdi olengiri registracia an i Riga, a na ko oficialno ofisi an i Viena. A soske si odova agjaar? Šukar vakeren so podur taro jakha majtikne si o šanse te dikhen pe o malverzacie thaj manipulacie. A ko jekh o Nortmund našti kerel registracia an i Viena soske ko oleskoro timo si o Stahiro Stankiewich a ov si purano borčlia an i Viena e themakere austrisko ofisenge sebepi napukjimo danoko ko anav taro IRU ko periodo kana sine IRU prezidento, 2004 - 2008 thaj 2008 - 2012 berš kote ko odova timi sine akana dislocirime thaj našle aver membria ko aver organizacie sar so si o Orhan Galjuš thaj Novica Mitič jali Novica Sticanin - komapnjonia taro Dragan Jevremović! Ko odova timi si o "disidenti" Gruja Bumbu pe famozno organizaciaja 2Pakjiv" taro tabori taro Dorino kasaja si len krisekroro akti bašo love taro IRU ko ulipa taro ekvaš milionia eura!
A so legarel pe dži ko registracia an i Viena, o eks "Romano Kralo" Dorin Čoaba taro Sibiu si paramis peske. Ov sar ka del pe sine godi agjaar kerel sine registracia e IRUske an i Viena! Ov ki desavi rakj te na sine le lačho sojbe thaj sine le košmarno sune so dikhlja disave membro taro IRU ko odova suuno, ov javinate džala sine pe romansko kompanjonecar kerel sine preregistracia. Ko dokumento tergjola kote ko periodo taro 08.04.2014 dži ko 18.03.2016 O IRU an i Viena kergja preregistracia "salde" 8 (ofto) droma! (PDF dokumenti sar fakti).
Ko sa odola preregistracie o Dorin notirinel sine thaj del sine dekreto aver duj membren kote ni ola nadžanena sine kaj si ola da ko odova timi prekal oleskiri mangin. Odola manuša so sine ki odoja lista olengere anava tergjona sine bizo olengoro džanlipa thaj olengere signature!
Šerutne akteria akale falsifikatenge sine i "somnakaeskiri romankso trin membria ekipa" o Dorin Čoaba, Gruja Bumbu thaj o George Mihaia
Odothe si čhivde thaj anava prekal olengiri mangin sar kasieria , ko jekh momento o Haris Tahirović (rekorderi mandatea taro salde jekh dive - 17.03 thaj 18.03. 2016.. ), ko momenti o Gregor Lurnsund, ko momenti o Mario Hristov....sar bizo džanlipa taro aver membria taro IRU.
Odoleske si vazdime kriseskoro akto mujal olende taro Stevo Radul Balog o Presidento an o IRU parlamenti an i Viena ple advokatencar.
Akale aktivitetea o Nortmund thaj o Dorin sikaven plo "čačuno muj" Sa akava ikljola sar fakti . sako froma tari manipulacia na resela but dur. Ola trubul te džanen kaj o IRU nane ni e Dorinoskoro ni e Nortmundeskoro , jali te konektirina amen ki jekh vakerin taro aktuelno IRU Presidento o Zoran Dimov so vakergja: " O IRU si jekh, savre siem o IRU".
