Според постојната законска регулатива, при запишување во прво одделение, родителот односно старателот е должен да достави потврда за примените вакцини за детето, издадена од надлежна здравствена установа.

Но, законот не содржи забрана за упис во училиште на децата кои не се вакцинирани.

Задолжителната имунизација е предвидена со законите од областа на здравството, во која се предвидени механизми и санкции доколку не се исполнат обврските за задолжителна имунизација.

И самото Министерството за образование, покрај правото на образование на детето, ќе го обезбеди и правото на безбедност и здравје при престој во училиштата, велат дека институциите се должни да обезбедат остварување на сите уставно загарантирани права, без тоа да биде на сметка на кое било друго право.

Ако тоа е неопходно, мора да се води сметка за штетата да биде најмала, односно забранувањето да не води кон целосна забрана за остварување на некое човеково право.

Обврска е на Министерството за здравство и здравствените институциите да ја спроведат имунизацијата и да обезбедат заштита на населението од заразни болести, на кои децата се изложени не само во училиштата, туку и во кино, на театар, во игротеките, во спортските клубови, при остварување на воннаставните активности.

Деновиве преку социјалните мрежи реагираше Претседателот на Асоцијацијата на млади Роми Младинскиот Форум Ханријет Исени , во врска околу најновата мерка околу запишување на деца во училиште доколку ги немаат примено вакцините.
Во нивната реакција тие сметаат дека се злоупотребува и прекршува правото на образование на овие деца.

Државата ја има ратификувано Конвенцијата за заштита на правата на детето уште на 24,02,2002, како меѓународен документ за имплементација и заштита на правата на децата кои ги налага одредбите од истатата конвенција особено член бр. 6
1 – Државите членки признаваат дека секое дете со самото раѓање има право на живот.
2 – Државите членки во најголема можна мерка овозможуваат опстанок и развој на детето.
 
Ромскиот граѓански сектор е против оваа одлука од соодветното министерство , и затоа најавуваат поднесување на колективна преставка , а потоа и тужба против овој вид на дискриминација.

Тие тоа го потврдуваат со фактот дека во рамките на државата секое дете треба да им е загарантирано правото на образование.

Инаку тимот кој се залага на остварување на ова право брои 4-5 волонтери каде се вклучени правник, психолог, адвокат, и магистар по право.

Истовремено своја безрезервна подршкаа покрај дел од ромскиот НВО сектор даде и ромската дијаспора преку организацијата „Асва„ од Белгија и швддското Ромско здружение „ Unga Romer"