Како и изминатите години наназад, така и оваа 2019 , токму во пресрет на Интернационалниот ден на Ромите 8-ми Април , СП БТР Продукција го најавува 17-тото издание на Интернационалниот Ромски филмски фестивал „Златно Тркало 2019„
Всушност активностите за овогодишното издание веќе започнаа со организирани работилници за изработка на едноминутни видеа, каде менторите ги обучуваат младите деца Роми на возраст од 10 до 15 години како да се изработат едноминутни виде. Најуспешните ќе бидат прикажани и наградени од самиот организациски одбор на фестивалот.
Инаку официјалната програма на прикажување на филмовите кој ќе земат учество на овогодишниот фестивал ќе биде на 3 и 4 Април во Кинотека на Македонија.
Оваа година за награди се вклучени во селекцијата од околу 40-тина филма избраните 18 филмови.
На 4 Април во од 19 часот ќе биде свеченото доделување на наградите за најуспешните и воедно свеченото затварање на овој фестивал.
Инаку овој фестивал како и изминативе години финансиски е подржан од Филмскиот Фонд на Република Северна Македонија.
