Дваесет и пет македонски филма реализирани минатата година со поддршка на Агенцијата за филм ќе бидат прикажани од 22 до 24 февруари во кино „Фросина“ на ревијата „Златна рамка“ која ја организира Друштвото на филмските работници на Македонија-ДФРМ.
Уметничкиот координатор Ана Василевска на средба со новинарите рече дека не станува збор за нов филмски фестивал, туку за ревија посветена на домашниот филм, со која публиката ќе има увид за филмовите завршени во 2018 година. Идејата е секоја гоидна да се организира ревија на филмови од претходната година.
На ревијата под мото „Влези во наш филм“ ќе бидат прикажани два долгометражни филма („Година на мајмунот“ на Владимир Блажевски и „Враќање“ на Кастриот Абдили), седум документарни и 16 кратки филмови.
На оваа филмска ревија своје учество ќе има и најновото документарно остварување на СП БТР во копродукција со Студио 7, „Локални Херои -Светски Таленти.
Неговата проекција е на 24 Февруари со почеток од 17 часот во МКЦ -Кино Фросина
