Biš thaj pandž makedonikane filmia realizirime persi berš suportoa tari Agencia filmeske ka oven sikavde taro 22 dži ko 24 fevruari an i sinema "Frosina" an i revia " Somnakaeskoro pervazi" so organizirinela i Asociacia filmsko bukjarne an i Makedonia - DFRM.
O umetnikano koordinatori Ana Vasilevska ko dikhiba e žurnalistencar vakergja kaj na kerel pe lafi bašo nevo filmsko festivali, numa si revia liparde ko kherutne filmia, kote i publika ka ovel la dikhiba ko filmia so si agorkerde an o 2018 berš.
I idea si sako berš te organizirinen pe revia filmenge taro anglutno berš.
An i revia telal i parola" Khuv an o amaro filmi" ka oven sikavde duj filmia („Berš e majmuneske" taro Vladimir Blaževski thaj " Iraniba" taro Kastriot Abdili ), efta dokumentarno filmia thaj 16 tikne filmia. An i akaja filmeskiri revia plo than ka len thaj o majnevo dokumentarno filmi taro SP BTR an i koprodukcia taro Studio 7 o "Lokalno Heroia -Lumiakere Talentia"
Oleskiri proekcia ka ovel an o 24 Fevruari startea taro 17 o časo an o MKC - Sinema "Frosina"
