I Super Produkcia BTR thaj Makedonikano Telekom AD Skopje akala dive kergje Kontrakto vash regulacia ko niamia te šaj sikaven pe autorskere aktia.
Odova havela pe kaj taro akana thaj majodoriga sa o klientia ( personalno thaj jurisdikciakoro ) so si len kontrakto e Makedonikane Telekomea thaj si klientia e paket aranžamneske taro akava operatoro thaj šaj dikhena o majnevo filmsko artiklo taro SP BTR o Dokumentarno filmo "Lokalno Heroia - Lumiakiere Talentia"
Odova šaj te kerel pe savore okolen so si len opcia Max TV thaj Max TV GO kote ko kotor rodaripaske opcia - Videoteka, a ko kotor filmia kote trubul te pukjinel tikne love te šaj alusaren o dokumentarco "Lokalno heroia - Lumiakere Talentia".
An o dokumentarco ka oven buteder pendžarde persone Roma so olengere darhie si taro majpurani romani mahala an o Balkani - Topaana taro Skopje , a si pendžarde čerenja an i lumia. O akteria thaj persone so ka prodefilirinen an o filmi si Bajram Severdžan - Dr Koljo, Vaska Jankovska, Esma Redžepova - Teodosievska, Faik Abdi, Muharem Serbezovski , Rahim Burhan, Zoran Dimov, Stole Popov, Dančo Čevreski, Emir Kusturica, Goran Bregović thaj avera.
O filmi si 52 minutia an i režia taro Ajdin Islami a o scenario Zoran Dimov
Trejleri taro Lokalno Heroia - Lumiakere Talentia
