Супер Продукција БТР и Македонски Телеком АД Скопје деновиве потпишаа договор за регулирање на права за прикажување на авторски дела.
Тоа подразбира дека отсега па и понатаму, сите претплатници (и физички и правни лица) кои имаат договор со Македонски Телеком и се корисници на пакетите понуди од овој оператор ќе имаат можност да го гледаат и најновот филмско остварување на СП БТР Документарниот филм „Локални Херои -Светски Таленти„.
Тоа можат да го остварат сите тие кои ја имаат опцијата Max TV и Max TV GO каде во делот со пребарување - Видеотека, и во делот филмови за одреден надомест да го одберат и документарецот „Локални Херои - Светски Таленти„.
Во документарецот ќе продефилираат многу познати личности Роми кои потекнуваат од најстарото ромско маало на Балканот - Топаана од Скопје, а всушност имаат светска слава. Ликовите и соговорниците во овој документарец се Бајрам Северџан - Др Кољо, Васка Јанковска, Есма Реџеповска Теодосиевска, Фаик Абди, Мухарем Сербезовски, Рахим Бурхан, Зоран Димов, Столе Попов, Данчо Чевревски, Емир Кустурица, Горан Бреговиќ и други.
Должината на самиот документарец е 52 минути и е во режија на Ајдин Ислами по сценарио на Зоран Димов
Трејлер од Локални Херои - Светски Таленти
