Во фокусот на јавноста на Западен Балкан една од темите е и бугарското вето за старт на преговорите на ЕУ со Северна Македонија. За спорот и проблемите не би коментирал, но би се осврнал на еден друг момент, само би напоменал еден непобитен факт. Дедо ми Панта (Бог да го прости), беше сведок на многу случувања за време на Втората Светска војна кога како што вика: - Дојде во Македонија и бугарската војска. Тие меѓудругото беа и во Топаана, најстарото Ромско маало во Скопје и на Балканот. Спред Дедо ми Панта и баба ми Петра таа бугарска војска беше „толку добра и фина„ кон овдешниот народ, што константно вршеше тортура и физичко насилство преку своите рации, контроли по домовите и ги тероризираше недолжните цивили. Еднаш дедо ми Панта беше претепан од страна на бугарската жандармерија без никаква причина. Му беа скрешни и рацете, а баба ми Петра мораше цел месец да му става облоги од јагнешка кожа, за да може да го излечи од задобиенти модринки по целото тело, а воедно како последица од тоа претепување остана инвалид со рацете до крајот на својот животм и така работеше со своите скршени раце. Тпа го знаат сите стари скопјани кој бил Панта.
Дали Бугарија како членка на ЕУ ги почитува и правата на малцинствата кои живеат таму? Пред се мислам на Ромското малцинство во Бугарија!
Со падот на комунизмот и демократските процеси според аналитичарите, Бугарија буквално се испразни. Според прогнозите до 2050 Бугарија ќе изгуби ¼ од своето население. Во тој корпус спаѓа и ромското малцинство во Бугарија кој според некој проценки во моментот брои над 1 милион Роми во Бугарија.
Но со влез во ЕУ започна и егзодус на бугарите. Межу нив и бугарските Роми. На што се должи ова?
Факт е дека покрај Романија, Бугарија е економски најслаба членка на ЕУ. Одтука причините се јасни и недвосмислени, дека егоздусот е најповеќе од економски причини.
Според некој бројки само во земјите на ЕУ веќе се иселиле околу половина милион бугарски Роми, а стотици илјади Роми од Бугарија и во останатите држави нзи светот.
Најпривлечна дестинација е Германија, Белгија, Холандија, Франција, но ништо помалку и Велика Британија, Шпанија, Скандинавија и др.
Се поставува исто така и прашањето дали само економскиот показател е причина за овој егзодус. Процентуално можеби да, но има и други фактори.
Отсекогаш бугарските Роми биле на маргините на бугарското општество. Никогаш не котирале високо на агендата за приоритети во бугарското општество и решавање на нивните многубројни децениски проблеми. Пред се се мисли на вработивањето, обарзованието, здравството, домувањето и др. Тоа јасно стои и во исказите и извештаите на разни меѓународни организации, а воедно и од страна на ромски здруженија, организации кој ги сипраќаат редовно до меѓународниот фактор.
Тоа стои и во исказите и на Интернационалната Ромска Унија –ИРУ и нејзините членови и делегати од оваа држава, кои редовно информираат за сите аномалии и превземени акции од страна на бугарската власт врз Ромите. ИРУ на повеќе пати на сите овие инциденти реагираше и со протестни писма и ноти до Бугарската амбасада, но до ден денешен нема никакви повратни информации дали се превземени некои дејствија или пак се донесени некој решенија. Ниту дали имаат и судска разврска. Можеби токму тој момент е битен за овој масовен егзодус на бугарските Роми од Бугарија, Во тој контект и во минатото а и сега со актуелната власт на Бојко Борисов, и неговите ментори, Каракачанов, Захариева и другите уште повеќе придонесуваат Ромите од оваа држава да не се чувствуваат како во своја земја, туку да се третираат како трет или четврт ред на граѓани. Војводиново, Софија ромската населба Факултетите, Пазарџик, Стара Загора и многу други ромски населби беа цел и мета на државното раководство со разни акции, рушење на нивните домови, полициски акции и рации и друг вид на систематски притисоци врз најранзливата категорија на граѓани од бугарското општество. Еден од примерите е и Пандемијата со Ковид, каде например повеќе ромски населби беа аеродезифинцирани и под посебен надзор и карантин од полициските службеници , дека Ромите се една од најголемите закани за заразата со Ковид 19 во Бугарија. Примерот е Ќустендил каде ромската населба беше ставена под 30 дневен целосен карантин и полициски час. А се под закрила, дека законски е се оправдано, легално и правно одржливо.
Ако знаеме дека сега во март 2021 година е изборна во Бугарија, тогаш мора да сме свесни дека власта за да го придобие гласот на Бугарите (со патриотски вокабулар), ќе направи се за нездравото бугарско општество се „виновни„ Ромите, може да претпоставуваме што ги очекува Ромите во овие предизборни кампањи на партиите, и каде ќе се „пука„.
Затоа Европо не ги затварај очите пред фактите!. И немој да си лицемерна , давајќи ина Бугарија 1.5 милиони евра, за да министерството за внатреѓни работи на Бугарија ги контролира „заканувачките ромски населби„ дека има потенцијална опасност од исламски радикализам и екстремизам!
Погледни ги малку и националистите како што се Каракачанов и остантатите кои си имаат агенда дека Ромите се вишок во Бугарија.
