На 27 јануари 1945 година, руската армија влезе во комплексот логор за истребување Аушвиц-Биркенау, ослободувајќи повеќе од 7.000 преостанати затвореници, кои во најголем дел беа болни или умираа. Неколку дена претходно, СС принуди скоро 60.000 затвореници да го евакуираат логорот и да се качат на озлогласените „Маршеви на смртта“, во кои многу илјадници ги загубија своите животи.
Генералното собрание на Обединетите нации ја донесе Резолуцијата 60/7 на 1 ноември 2005 година за да го назначи 27 јануари како Меѓународен ден на комеморација во спомен на жртвите на холокаустот, ден на кој секоја година светот ќе го одбележува и ќе го памети холокаустот и неговите жртви . 76 години по ослободувањето на Аушвиц, поважно е од кога и да е да се потсетиме на универзалните лекции од холокаустот и да се поттикне заедничка култура на сеќавање.
