Долгогодишниот проблем со немање на гинеколог во најголемата ромска општина во светот – Шуто оризари, никако да му се стави крај. По тој повод Иницијативата на жени од Шуто Оризари одбележува годишнина од немање на матичен гинеколог во општина Шуто Оризари, и испрати свое соопштение до медиумите каде се вели:
8.000-13.000 жени во репродуктивен период немаат матичен гинеколог во Шуто Оризари, иако сме на сред пандемија со ковид-19 откако пред една година гинекологот ја затвори својата гинеколошката ординација.
Иако Министерстворо за здравство најави отворање на нова гинеколошка ординација, истата сеуште не е отворена и репродуктивното здравје на жените од нашата општина веќе подолго време е ставено во ризик.
Инцијативата на жени од Шуто Оризари апелира до Министерство за здравство најитно да ја заврши постапката за отпочнување на работа на гинеколошката ординација во Шуто Оризари, како и да обезбеди трајно решение за овозможување на пристап до гинеколошки услуги на жените Ромки, стои на крајот од ова соопштение од Иницијативата на жени од Шуто Оризари.
