Општината Кочани распиша Оглас за изградба на објект каде ќе бидат сместени Ромски семејства кои немаат свои живеалишата и повеќе години живеат во напуштената и веќе руинирината стара касарна во градот, каде нема никакви услови за нормален живот.
Објектот кој треба да се изгради ќе биде наменет за 24 семејства или вкупно за 120 луѓе.
Инаку оваа идеа во врска со овој проект е веќе подолго време за кој до сега повеќе општински власти дадоа ветување но досега ништо не е направено.
Според претходните најави и информации од општината каде според урбанистичката документација и изработениот проект, објектите за домување на станарите од Старата касарна ќе се градат во месноста Пресечена Скала, на северниот дел на Кочани. Парцелата со површина од 2,9 хектари е на земјиште во државна сопственост, а со планскиот опфат се предвидени дваесетина градежни парцели. Инаку по изборот рокот на изградбата на овоие објекти е 15 месеци.
