I komuna Kočani havljargja oglas te tamikeren pe objektia kote ka ove akomodime Romane familie so nane len khera em pobuter berša dživdinena ki purani Kasarna so si saste ruinirimi em si ki diz Kočani, kote nane len fundamentalno šartia dživdipaske . O objekti ka ovel bašo 24 familie jali barabutne bašo 120 džene. Akaja idea akale proektoske si lungo vakti dikhli numma pobuter komunalno legaripa dengje la ama na kergja pe dži akana khanči.
Prekal o angluten notacie em informacie tari I komuna so prekal urbanistikano plani kerdo si em o proekti, o objektia bešipaske ki purani Kasarna te tamikeren pe ko than anavkerdo sar Preselena Skala, ko utaralo kotor tari I diz Kočani. I parcela si ko than baro 2.9 hektaria phuv so si e themakiri , a e planoncar ka oven akceptirime viš tamikeribaskere parcele. Trujal ked ka alusarel pe o plani tamikeribaskoro akale objektonge si 15 masekoa.
