Македонија се соочува со нови црни денови на пандемијата, но со стари проблеми кога е во прашање заштитата на здравјето на граѓаните. Автобусите на ЈСП и натаму продолжуваат да бидат кластери на корона вирусот.
Застрашувачки слики се појавија на социјалните мрежи на кои се може да се види толку преполн автобус на ЈСП што ни врата не може да се затвори. Иако проблемот постои уште од првиот ден на пандемијата, власта и Град Скопје го игнорираат дури и сега кога заразата е рекордна, а Македонија е во друштво на земјите со највисока стапка на смртност од корона вирусот, на милион жители.
Завчера беше еден од најцрниите денови, во земјава имаше 1.321 заразен и 26 починати од корона вирусот, а само во Скопје високи 583 заразени и 7 починати.
И додека власта штеди на здравјето и животите на граѓаните и на очиглед ги прави сите будали, автобусите на јавниот превоз остануваат да бидат едно од најопасните места како извор на зараза среде пандемија.
