Светскиот ден на ромскиот јазик кој се одбележа, на 5 ноември, прогласен во 2015 година од УНЕСКО и повика на зачувување на ромскиот мајчин јазик, традиција и вредностите на ромската заедница насекаде низ светот.
„Ромскиот јазик мора да биде зачуван, бидејќи ова е древен јазик, со сите јазични одлики на современиот јазик што е во опасност од исчезнување… Затоа, со одлуката да се прогласи Светскиот ден на ромскиот јазик, УНЕСКО ја нагласува потребата за зачувување и понатамошен развој на споменатиот јазик. Јазикот на еден народ е главен чинител на културниот и национален идентитет. Бројот на Роми во Европа е меѓу 10 до 12 милиони. Во повеќе од 60 проценти од земјите во Источна и Југоисточна Европа се говори ромскиот јазик“, образложува УНЕСКО.
До денес, тој останува еден од највредните идентификатори и средства за комуникација, социјализација и културна интеграција за 10-12 милиони Роми што живеат во Европа.
Од 25-те земји-членки на Европската повелба за регионални или малцински јазици, 17 официјално ги признаа Ромите како малцински јазик традиционално присутни на нивната територија.
