Lumiakoro dive romane čhibjake so notiringja pe ko 5 Novembro , notirime si ko 2015 berš traro UNESCO em akhargja te arakhel pe I romani dajakiri čhib, tradicia em moldipa e romane jekhinake sakote ki lumia. “I Romano čhib trubul te arakhel pe soske si purani čhib , sa čhibjakere refelksiencar em karakteristike tari modern čhib so isi riziko te našavgjovel. Odoleske ande decizijaja te notirinel pe Lumiakoro dive e Romena čhibjake o UNESCO akcentirinel o zaruripa em majodorigutno buvljaripa akale čhibjake.
I čhib jekhe naciakoro si šerutno faktori ko kulturakoro em nacionalno identiteto. Roma ki Europa isi maškar 10 thaj 12 milionia Roma . Ko buteder taro 60% ko thema tari Purabali em dakšimpurabali Europa keren lafi ki romani čhib” vakerel o UNESCO. Dži avdivde ov ačhola jekh taro majmoldime indentifikatoria em instrumenti baši komunikacia , socijalizacia em kulturakiri integracia e 10-12 milionia Roma ki Europa .
Taro 25 thema tari Europakiri povelba e regionalno jali minjoritetemngere čhibja, 17 oficialno verifikujngje e Romen sar minjoritetengiri čhib tradicionalno atačirimi ki olengiri teritoria.
