Avena tumenge ko vakti kana uđarena ko semafori vordaja, jali kana piena tumari kafa ko desave kafe baria em restorania ki diz..čhave ko droma, Roma. Avela o jevend ko periodi tari i pandemia taro Covid 19, phiren akala čhave ko droma ko Niš em nane ko te khedel odole čhaven te nangjon, te thoven pe, te takjon jali te han. Šišaja pherdi šamponirimo pani em ko aver vast brisači ačhona pe droma ko vrdona em pučen šaj li te kosen i šiferšajbna ko majfrenkfentno droma ko Niš. „Dema desavo denari te thovav ti šoferšajbna“ so lafia so vakeren em rodena akala čhave te šaj egzistirinena. Po desavo drom isi len desavo prihodi, a podesavo drom nane len. Akala romane čhave majbut šaj dikhen pe ko semaforia , ploštadia, trotoaria, droma ko trgovsko centroa. Isi asavke so giljaven kali bašavena a isi so mangena em devlenge.
Trujal so olengoro numero si čače baro ni jekh nadžanel i informacia kobor si numero. Jeklhutno faktori si soske ni jekh na legarel sevđa olenge.O procento si kaj ola si upreder taro 35% taro romane čhave so si ko baripa dži ko 18 berša. I notacia si kaj kotor olendar so lena love parvarena e familija. Ama o majbaro problemi si baro numero odole čhavendar ola si telal narkotično artiklia jali džana ki prostitucia.
