Ki romani mahala an o Mladenovac, si pendžardo e anavea Tesla. O Saša Simić akava anav dendo si oleske sebepi leskiri profesia kote 30 berša kerel buti elektrikaja. Na sine katodno TV so ov na džangja te reperairinel ole. Palo odova ulče sastipaskere probelmia iloja  thaj distrofija e muskulenge. "Našti sine te kerav pobut reperacia e televizienge, numa perena sine mandar" vakerel akava 45 beršengoro rom. Taro srpsko institucie isi le lil kaj našti kerela buti . O boirči premal na pukjime fakture elektrikake thaj komunalie si upredel jekh milionia dinaria, kote kamen te keren lista baši konfiksacia e khereske thaj aver bukja so si le. Numa e Simič majbari gajlja si oleske jekh lafi thaj štembilo so sile an o pasporto: abgeschoben – deportirimo.

An o trinto di ko 27 januari ko dive tari Memoria e milion viktimenge an o Holokausti. Odova dive i koorporacia taro sasto interesi IUSTITA , jekhutni grupa an i Češka so kerel rodaripa e namangipaja, natolerancia thaj edukacia thaj Veb sajto bašo romano holokausti , kote aver čhane si anavkerdo thaj Porajamos.

"Ko agorutne berša notirinaja okova so an i čehiakiri politikani scena sikaven napakjiv kaj an i čehia sine logori majbut an o Leti taro Pisek jali aver čhani te diskriminirinen sa okolen so sine viktimia an o genocido taro Roma ko vakti taro Dujto Lumiakoro maripa", notirinel i advokatka Martina Houžvova, kote notirinel o motivo akaja grupa te kerel o informatikano portali. O Veb sajto , www.nepopirej.cz ( "www.don'tdenyit.cz")  fokusirinel pe ko terensko rodaripa thaj vazdiba i gnd ki konekcia e pučibaja so negirinena o Holokausto an i Češko Republika thaj si bašo savore thaj o ekspertia.