I feministikani asociacia Union vakerela kaj si thanjardi mašak i majteleperavdi kategoria Romane džuvlja tari Ost Europa kote thanjaren len ko ple kapacitetia ko akala šudre rakja, soske i diz na dela len thanjaribaskoro objekto akale manušenge.

Jekh taro majpurane džuvljane lobi grupa an i Finska zorale bičhavgja kritika e dizjake Helsinki kote ple manušen so nane len khera na čhivel len ko objektia. Ko palokurko i feministikani grupa Union lelja e Romane džuvlen taro Ost Europa thaj čhivgja len ki peste soske ko paraštuj sine but šudro vakti.

Nekobor fudbalsko fania taro Dinamo tari grupa Bed Blu Bojs ko dujtodi rakjate an o centari e dizjake Zagreb kergje atako upral jekh romani familia.

O hrvatsko mediumia akcentirinen kaj o incidenti ulo ko dujto di rakajte ko centar e dizjake Zagreb an o ploštadi Francuska republika. Fani taro Dinamo anavea S.N pendžardo sar Foks hramosarja an i fasada e khereske thaj o kombe vordon jekhe romane familiake. Ov ko duvar thaj ko kombe hramosargja svastika - fašistikano simboli.