Ромките од српска и македонска националност го основаа првото здружение на жени Ромки регистрирано во Германија.

Основните постулати на Здружението на жени Ромки се зајакнување на положбата на жената Ромка во семејството и општеството, борбата против насилството, принудните и раните бракови, како и семејното и сексуалното насилство.

За формирање и регистрација на ова здружение помогнаа српскиот конзулат во Дизелдорф, генералниот конзул Пранислава Периќ и Центарот за интеграција на Ромите.

Периќ рече дека заедно со Центарот за интеграција на Ромите (RICOM) дошла до идеја жените Ромки да се организираат и за прв пат во историјата на Северна Рајна-Вестфалија да создадат здружение кое ќе се занимава со теми кои се исклучиво во интерес на Ромките.

Претседателката на Здружението на жени Ромки, Сонѓул Ахмед, за Танјуг изјави дека најголемиот проблем за жените Ромки е јазичната бариера.

„Државата има програми за интеграција, но тие програми не се достапни за нашите жени и видовме дека нема резултати. Има жени кои со години живеат во Германија, но сепак имаат проблеми да најдат добра работа или да се образуваат“, истакна таа.

Ахмед вели дека проблем не се само државните институции, туку и нивните заедници.

Здружението моментално брои 13 членови, а нивното седиште е во Дизелдорф.

Здружението на жени Ромки е создадено како огранок на Центарот за интеграција на Ромите, организација која во своето двегодишно постоење воспостави контакти и соработка со важни институции во Северна Рајна-Вестфалија.

Link: https://www.rtv.rs/sr_ci/zivot/zenski-kutak/prvo-zensko-udruzenja-roma-u-nemackoj-osnovale-romkinje-iz-srbije-i-makedonije_1476026.html

По објавената информација дека Фондацијата Отворено општество на Сорос ќе одвои и ќе и додели на на новата Европска Фондација на Ромите околу 100 милиони евра, која потоа ќе ги насочи во реализација на  проекти наменети за Ромската заедница во повеќе сфери за одржлив развој на Ромите од Европа, започнаа преку социјалните мрежи коментари на кој начин би можеле да се искористат оовие средства. Коментарите се и со позитивна конотација но има многу и со негативна.

Позитивните се од аспект дека тоа ќе придонесе за продолжување на зацртаните планови за реализација за доборбит на Ромската заедница. Но во негативните коментари беше застапувана тезата дека тие средства нема да отидат во вистинска насока и правилно искористени. Од каде тој песимизам?

Во тие коментари најчесто е застапена тезата дека тие средства ќе бидат простор за манипулации и реализација на одредени групи од кои мнозинството Роми нема да видат некој  голем бенефит.

Најчесто се споменати заверите и задкулисаните игри на некои од организациите, а исто така одат и во насока дека повеќето од средствата наменети за Ромите, завршувале во неромски организации , кои на крај немале никакви допирни точки со Ромите, а сепак тие средства ги искористиле за сосема други намени, каде Ромите одиграле само „епизодна„ улога. Значи тој став произлегува од негативните искуства во минатото и искористување на тие средства.

Дали такво нешто и сега би можело да се повтори со знаење дека сега со тие средства ќе располага Ромска фондација и ќе знае да ги „канализира„ до вистинските проекти ки се в интерес на Ромската заедница.

А исто така треба да се надеваме дека средствата ќе бидат рамноправно и за виситинска намена доделени , а не преку фаворизирање на некоја група или држава.

Но времето ќе покаже кој биле во право, дали оние со негативните коментари или оние чии коментари биле во позитивна насока. Ни малку нема  да има лесна работа тимот на новата Ромска фондација во Европа чије седиште ќе биде во Брисел и на чие чело ќе стои г-дин Жељко Јовановиќ.