Gitar art festival (GAF) и оваа година по 20-ти пат јубилејно потсетува дека духот на народот најдобро се чува во уметноста. Дали е тоа форма на еден живот преку волшебниот фламенко - џез или ромскиот звук на свингот - неверојатна комбинација на темперамент на еден народ и умешноста на нејзините виртуози.
Розенберг Трио од Холандија е секако меѓу најдобрите преставници на тој заразен ромски звук каде на европското тло го поставил ненадминливиот Џанго Рајнхарт , молњата со три прста, прв и веројатно единствен џез гитарист кој имаше влијание на своите колеги преку океанот. Но и на Розенберг Тројката, браќа со необични имиња - Штокело на гитара, Нони на контрабас и Нуше на ритам гитара кои на 13 март настапија во Комбакт арена во рамките на GAF.
Во нивното музицирање има од се по нешто - романско, унгарско, балканско, ромски фолклор , затоа што се Мануши, Роми од Средна Европа, кои ги наследија ритмовите и музиката на своите предци. Тогаш меѓу нив се појави Џанго и им објасни како тоа се работи и се формира едниствен музички јазик каде ритамот на татковците го направија свингот.
На тој начин фолкот стана џез варијација на европски начин. Гитарите го превземаа приматот , а свирката стана местото каде прстите летаат преку жиците побргу и од најбрзите тркачки кругови во Монца.
Инаку Розенберг Трио како првокласни преставници на тој единствен стил ги свират познатите мелодии , но секогаш нешто свое. Имаа настапи насекаде (во Белград беа два пати) од „North Sea Jazz“ фестивал до њујоршкиот „Карнеги Хол„ секаде со потсетување дека легендата е една и единствена.
Ако сакаш да го научиш и да го разбереш ромскиот џез , започни со Џанго , најдобриот гитарист одсекогаш, вели Штокело Розенберг кој започнал да свири гитара кога имал само 10 години. Уште тогаш започнал да го слуша Џанго и ги научил сите негови солоа, емитирајќи го до последниот детал, што беше една добра причина да не се пропушти и овој настап.
И покрај ромскиот свинг во тренд е и фламенкото па затоа и Gitar art festival успеа да го донесе и еден од најдобрите во овој стил на свирка, Порславениот фламенко гитарист Висенте Амиго одржа концерт на 12 март во истата сала. Во својата кариера Амиго повеќе пати го посетил Белград и се врати повторно после десет години за да ги престави нумерите од актуелниот негов албум “Memoria de los sentidos”. На овој албум овој уметник се враќа на своите традиционални корени на фламенкото и одаде почит за својот учител и пријател Пако де Лусија со нумерата Реквием.
Амиго досега соработувал со доста познати имиња како што се Алехандро Санц, Калед или Мигуел Босе, а со Стинг го снимил големиот хит „Send Your Love“. Досега настапувал со најголемите современици на гитарата како што се Пако де Лусија, Ал ди Меола, Џон Меклафин , па дури и со рок имиња како што се Џо Сатриани, Стив Вај, Кит Ричардс и Боб Дилан.
