На повеќедецинискиот проблем со т.н.„фантоми„ во државата по се изгледа му доаѓа крајот. Макотрпната работа на НВО секторот (нарочито ромскиот) во соработка со државните институции (МТПС, Министерство за Правда, МВР и др.) вродија со плод. Пред крај е финализирање и донесување на законот и подзаконските акти со кој ќе се запишат нови 700-тини лица кој досега немаа никаква документација за лична идентификација.
Познавајќи го профилот на тие луѓе со сигурност немаше да го остварат ова право доколку напорите (аналитички, теренски, логистички, бирократски и др) не дадоа свој придонес тие 16 НВО организации, асоцијации и здруженија. Економскиот фактор како и општествениот статус на тие луѓе (најповеќе од ромската заедница), беа главна пречка во самата процедура,. Тука мора да се напомене и доскорашните законски одредби за стекнување и запишување на правата на тие луѓе, како и добрата соработка и комуникација вродија со плод за законски измени и оптимални решенија за изнаоѓање на излез од тие состојби. Сега се во тек и додавање на подзаконски акти, кој всушност кога ќе се дефинираат ќе биде многу олеснета целата процедѕра. Нормално дека акцијата и овој закон ќе продолжат со важност и за пред се нови случаеви доколку се пронајдат и нови такви лица.
Сите претходни бариери со новите предложени законски измени буквално беа елиминирани и на тој начин им е овозможено на тие лицеа „фантоми„ да се стекнат со некој документ, кој потоа ќе им ја олесни целата процедура во стекнување на уставно загарантираните права како што се: образование, здравство, вработување, домување и др.
Целта беше токму таа соработка помеѓу НВО секторот и институциите на државата да најдат адекватно решение. Сега преостанува финиширање и уште полесно имплементирање.
Ова е доказ дека за се може да се изнајде решеније, кога се има добра волја од повеќе страни. Овој закон нека биде пример и подстрек и за другите слични проблеми дека со заедничка соработка и труд може да се надминат и да се најде излез од секоја ситуација.
Воедно моја порака и до политичкиот фактор (нарочито ромскиот). Нека им преставува ова пример како треба да се борат за својата заедница и за секој свој гласач. Ромскиот НВО сектор со овој пример докажа дека не е се низ призмата на „парите и проектите„ туку потребно е и труд и напор да се заврши успешно работата за заедницата за која работиш. Инаку мора да се напомене дека со свои активности Мрежата за системски и трајни решенија составена од овие 16 НВО организации (најповеќето од нив - Ромски), и понатаму ќе работи и на овој случај, со будно следење на сите активности, како и на други важни активности.
