За жителите на Шуто Оризари, веќе неколку дена нема автобуси. Со центарот на градот не се директно поврзани, а единствен спас им се приградските линии или дивите таксисти коишто ги носат до некаде, за потоа да фатат друг автобус.
Автобуските постојки се празни, а онаму каде што затекнавме граѓани или фаќаат сенка или ќе чекаат автобус со часови.
За да стигнат до центарот на градот, на жителите на Шуто Оризари им е потребна цела логистика или добра кондиција за пешачење.
Автобусите со број 19 и 20 ги нема, приградските се нередовни и возниот ред на ЈСП е хаос сам по себе, критикуваат жителите на населбата.
Проблемот е огромен, и тоа поради неплатени долгови од страна на Град Скопје, спрема приватните превозници. За џабе вадиме месечни карти кога мора да одиме пеш или да плаќаме за такси, срамота!
Ова се само дел од реакциите на граѓаните од Ш.Оризари по социјалните мрежи Граѓаните прашуваат, негодуваат, реагираат, но никој не ги есапи. Единствените соопштенија што стигнуваат од ЈСП се поврзани со известување дека на празник ќе возат по неделен возен ред, додека за сите други проблеми на граѓаните остануваат неми. Сѐ ним им се мали платите, немаат шофери, немаат нафта, ама нам на работа кога доцниме. Срам голем за ЈСП и приватните автобус на чело со градот Скопје – коментираат граѓаните.
