Со години наназад во периодот август – октомври е период кога е екот на гроздоберот.
Во месеците август, септември и октомври во Неготино и Кавадарци секоја година престојуваат поголеми групи на берачи на грозје. Најчесто станува збор за Роми кој овој период го искористуваат и заминуваат на гроздобер, за да заработат некоја дневница повеќе. Станува збор за поголеми групи, па и цели семејства за да можат да обезбедат некоја попристојна егзистенција во пресрет на зимата. Најчесто станува збор за семејства од социјален ризик.
Тие групи најчесто доаѓаат од Виница, Кочани, Штип , Струмица и други места од источниот дел на земјата, как и од Велес, Кавадарци и Неготино, кои се сместуваат во изнајмени соби, а некои пак доаѓаат со сопствено комбе и во него живеат во тек на гроздоберот.
Инаку, берачите на грозје кои престојуваат во Тиквешијата, за берба од шест часот наутро до 12 на пладне наплаќаат 1.500 денари (25 евра), бараат обезбеден превоз и појадок. За секој час берба после 12 часот, наплаќаат по 300 денари (5 евра).
