Најголем број граѓански претставки поднесени до Комесарот за заштита на еднаквоста во 2022 година се однесуваат на дискриминација врз основа на националност, возраст, здравствена состојба, инвалидитет, пол, а најголем број се поднесени поради дискриминација на Ромите, соопштија од кабинетот на Комесарот.
Меѓу претставките засновани на националност, најголем број е поднесена поради дискриминација на ромското национално малцинство (87,7 проценти), „што укажува на преовладувачките ставови, социјална дистанца, стереотипи и предрасуди со кои се соочуваат мажите и жените Роми“.
Поголемиот дел од претставките се поднесени поради дискриминација во постапките пред јавните органи, и во процесот на вработување или на работа.
Споредено со претходните години, зголемен е и бројот на претставки поради дискриминаторски говор на јавен простор, на социјалните мрежи и во медиумите.
Во текот на годината со комесарот контактирале 3.300 граѓани кои очекувале помош и поддршка во остварувањето на различни права и услуги, а постапката била спроведена во 1.879 случаи.
Комесарот дал 412 препораки за мерки за постигнување еднаквост и заштита од дискриминација, а по препораките е постапено во 88,4 отсто од случаите.
Link: https://n1info.rs/vesti/u-srbiji-najvise-diskriminisani-romi/
